Karte

Glover’s Reef is een von de dree Atolle von Belize. De beiden annern sünd Lighthouse Reef un dat Turneffe-Atoll. Verwaltungstechnisch höört dat Atoll to’n Distrikt Belize.

Blick op Northeast Cay

Dat liggt üm un bi 40 Kilometer vör de Küst von Belize in de Karibische See un is Deel von dat Belize Barrier Reef. Dat Atoll is von Noord na Süüd 32 Kilometer lang un von Oost na West 12 Kilometer breed un billt so en Laguun, de üm un bi 230 km² groot is. Dat Atoll is deelwies ünnergahn. Blots fiev lüttje Eilannen (Amounme Point Cay, Northeast Cay, Long Cay, Middle Cay un Southwest Cay) mit en Rebeed von 0,35 km² kiekt so wied ut dat Water rut, dat dor Planten op wasst. Op de Eilannen sünd vondaag Resorts anleggt, de vör allen för Snorkel- un Duuk-Touristen sünd.

Schuul ännern

Dat Atoll is 1993 as Glover’s Reef Marine Reserve schuult worrn. Dat schuulte Rebeed is 350,67 km² groot. 1996 hett de UNESCO dat Belize Barrier Reef un dormit ok dat Atoll op de List von dat Weltnaturarv sett.

De Wildlife Conservation Society bedrifft siet 1997 op Middle Cay en Forschungsstatschoon.

Ünner annern is dat Atoll een von de wenigen Rebeden, in de de Nassau-Tähnboors (Epinephelus striatus) kullert.


Koordinaten:16° 49′ N, 87° 47′ W