Gołda Tencer (* 2. August 1949 in Łódź) is en poolsche Schauspelersche, Singersche un Speelbaas’sche.

Gołda Tencer, 2008

Leven un Wark ännern

Gołda Tencer is in en jöödsche Familie boren worrn. Ehr Vadder Szmul Tencer (1915–1971) hett den Holocaust överleevt, ehr Mudder Sonia Tencer hett den Krieg in de Sowjetunion överleevt. Gołda hett ehr eersten Insichten op de Bühn wunnen, as se op de jöödschen School Pereca in Łódź weer un ok as Kind in’t Teatr Powszechny in Łódź. In’t Johr 1969 is se na Warschau gahn un hett dor en Utbilln as Schauspelersche an’t Jöödsche Theater maakt. Ehr Diplom hett se 1971 kregen. Siet de Tiet höört se ok to’t faste Ensemble vun’t Jöödsche Theater.1984 hett se en Stipendium kregen vun de Regeren vun de USA un kreeg de Mööglichkeit dor in de USA Theaterarbeit to maken.

Verheiraat is se mit Szymon Szurmiej, de lange Johren Direkter vun’t Jöödsche Theater weer. In Polen is se bekannt as en rutragen Interpretin vun jiddische Chansons. In Düütschland is se dör den Film Alles auf Zucker! bekannt worrn, in den se de Ehfro vun Udo Samel speelt hett. In Warschau hett se ok as Speelbaas un Schauspelersche an’t Jöödsche Theater arbeit.

Filmografie (Utwahl) ännern

Johr Titel
1978 Komediantn, Feernsehn
1979 Shtern oyfn dakh, Feernsehn
1979 Der Dibuk, Feernsehn
1982 Austeria
dt.: Austeria – Das Haus an der Grenze
2004 Alles auf Zucker!
2007 Liebe nach Rezept, Feernsehn

Weblenken ännern