Gocta-Waterfall
De Gocta-Waterfall in Peru is mit 771 Metern na Angel- un Tugela-Waterfall de drüddhööchste Waterfall op de Eer.
He liggt in’e Region Amazonas un de Provinz Chachapoyas in Peru un is eerst in’n März 2006 dör den düütschen Entwicklungshelper Stefan Ziemendorff (ut'n vorpommerschen Grypswold) opdeckt worrn, de tohoop mit en peruaansch Grupp ünner Leid vun’n inheemschen Telesforo Santillan den Waterfall in twee Expeditschonen in’n Januar un Februar 2006 utmeten hett.
