Good Bokel
Dat Good Bokel is en Eddelgood in Bokel in de Gemeen Jeem (Samtgemeen Zeven) in’n Landkreis Rodenborg, Neddersassen.
Historie ännern
Dat Good Bokel kummt 1219 toeerst in de Oorkunnen vör un hett de Familie von Borgh tohöört.[1] 1641 hett de Familie von Düring dat Good övernahmen un hunnert Johr later de Familie Marschalck von Bachtenbrock. Carl Detlev Marschalck von Bachtenbrock harr blots een Dochter (Ingeborg) un as he 1864 doodbleven is, is dat Good an Ingeborg ehren Mann Emil Ferdinand Victor von Hammerstein-Gesmold gahn. Sietdem is de Familie von Hammerstein-Gesmold Besitter von dat Good.
Dat Goodshuus von 1642 is later afbrennt un op de olen Fundamenten wedder nee opboot worrn.[1] 1725 is en tosätzlich Neddersassenhuus op dat Gelänn von dat Good boot worrn, 1794 en Haverschüün un 1852 noch en tosätzliche grote Schüün.[1]
De Riekskanzler Paul von Hindenburg weer en Fründ von Carl von Hammerstein-Gesmold un is fakener för de Jagd in Bokel ween.[1]
Dat Good hett (Stand 1999) en Grött von 202 Hektar. 110 Hektar warrt för de Bueree bruukt, 40 Hektar för de Forstweertschop un 52 sünd Moor.[1]
Goodsherrn ännern
- –1818: Carl Friedrich von Marschalck
- 1818–1858: Otto Alexander Marschalck von Bachtenbrock
- 1858–1864: Carl Detlev Marschalck von Bachtenbrock
- 1864–1894: Emil Ferdinand Victor von Hammerstein-Gesmold
- 1894–1932: Carl von Hammerstein-Gesmold
- 1932–30. November 1972: Frithjof Günther Emil Ferdinand von Hammerstein-Gesmold
- 30. November 1972–: Carl-Detlev Freiherr von Hammerstein
Verwaltungsgeschicht ännern
De Oort hett vör 1885 to de Böörd Jeem in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
Inwahnertall ännern
| Johr | Inwahners |
|---|---|
| 1848[2] | 11 Lüüd, 1 Huus |
| 1. Dezember 1871[3] | 24 Lüüd, 3 Hüüs |
Religion ännern
Dat Good Bokel is evangeelsch-luthersch präägt un höört to dat Kaspel von de Margarethenkark in Jeem.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Footnoten ännern
- ↑ a b c d e Hindenburg kam oft zur Jagd, Hamburger Abendblatt von’n 20. November 1999
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170
Koordinaten:53° 12′ N, 9° 17′ O