Dat Good Kuhla (hoochdüütsch Gut Kuhla) is en Eddelgood in dat Dörp Kuhla in de Gemeen Himmelpoorten (Samtgemeen Olendörp-Himmelpoorten) in’n Landkreis Stood, Neddersassen.

Historie ännern

Sied 1280 gifft dat in dat Dörp Kuhla en Riddergood in’n Besitt von de Ridders von de Kuhla. Lüder von Sürsen harr do dat Good övernahmen un hett den Naam von de Kuhla annahmen. 1702 is Hermann Christoph von der Kuhla ahn Söhns doodbleven. 1709 is dorüm dat Good an Joachim von Klinggreve verköfft worrn un 1727 an Johann Christian von Schlütter, de Anna Sabina von Klinggreve freet harr. Johann Christian sien Oorenkel Konrad Christoph hett dat Good denn an Johann Friedrich Gottlieb Wilhelm Biedenweg verköfft, de al 1822 doodbleven is. Siene Weetfro Catrine (borene Wohlers) hett dat Good 1828 an Otto Christian von Gruben verköfft. Otto Christian sien Söhn Otto Christoph von Gruben weer dat, de 1850 dat hüdige Goodshuus boot hett. 1907 hett Otto von Gruben III. von Hermann Krull tosätzlich noch dat Good Sunn köfft.[1] De Familie von Gruben höört dat Good ok nu noch to. Von Grubens bedrievt vondaag Bueree. Blangen Koorn un Rappsaad warrt siet 1991 vör allen ok Spoors un Wiehnachtsbööm anboot.

Dat Good is aktuell üm un bi 220 Hektar groot. Dor höört (mit Pachtland) 190 Hektar Ackerland, 70 Hektar Holt un 15 Hektar Gröönland un Water to.

Goodsherrn ännern

  • –1702: Hermann Christoph von de Kuhla
  • 1709–1727: Joachim von Klinggreve
  • 1727–1731: Johann Christian von Schlütter
  • 1731–1757: Johann Conrad von Schlütter
  • 1757–: Christian Friederich von Schlütter
  • –1820: Konrad Christoph von Schlütter
  • 1820–1822: Johann Friedrich Gottlieb Wilhelm Biedenweg
  • 1822–1828: Catrine Biedenweg
  • 1828–1843: Otto (Christian) von Gruben
  • 1843–: Otto (Christoph Friedrich Gustav) von Gruben
  • Otto (Karl Burchard Anton) von Gruben
  • Otto (Anton Eduard Wilhelm) von Gruben
  • 1984–: Otto von Gruben

Verwaltungsgeschicht ännern

In de Franzosentied von 1810 bet 1814 hett de Oort to de Mairie Himmelpoorten in’n Kanton Himmelpoorten höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Olendörp in dat Amt Himmelpoorten tohöört. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.

Dat Good is an’n 1. Juli 1972 as Deel von de Gemeen Kuhla mit de Gemeenreform in Neddersassen an de Gemeen Himmelpoorten kamen.

Inwahnertall ännern

Johr Inwahners
1848-00-001848[2] 11 Lüüd, 2 Hüüs

Religion ännern

Dat Good Kuhla is evangeelsch-luthersch präägt un höört to dat Kaspel von de Martinskark in Olendörp.

Footnoten ännern

  1. https://www.arcinsys.niedersachsen.de/arcinsys/detailAction?detailid=b4147
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135

Weblenken ännern


Koordinaten:53° 36′ N, 9° 18′ O