Samtgemeen Olendörp-Himmelpoorten

De Samtgemeen Olendörp-Himmelpoorten is en Samtgemeen in’n Landkreis Stood, in de sik teihn Gemenen för dat Afwickeln von de Verwaltenssaken tohoopslaten hebbt. Se hett 18.082 Inwahners (Stand 31. Dezember 2016).

Wapen/Flagg

Koort

Basisdaten

Sitt:

196,24 km²

18.082 (31. Dezember 2016)

Geograafsche Laag:

53° 36′ N, 9° 17′ O

Grenzen bi OSM:

3411186

Gemeenslötel:

03 3 59 5409

Tall Gemenen:

10

SG-Börgermeester:

Holger Falcke

Websteed:

oldendorf-himmelpforten.de

Koort

Kreis

Geografie

De Samtgemeen liggt in’n Westen von’n Landkreis Stood.

Se grenzt in’n Noorden an de Gemeen Drochters, in’n Oosten an de Gemeen Stood, in’n Süüdoosten an de Samtgemeen Freenbeek, in’n Süüdwesten an de Gemeen Bremervöör in’n Landkreis Rodenborg un in’n Noordwesten an de Samtgemenen Loomst un Hemmoor in’n Landkreis Cuxhoben.

Historie

De Samtgemeen is an’n 1. Januar 2014 billt worrn, dör Fusion von de Samtgemeen Himmelpoorten un de Samtgemeen Olendörp. Dat is 2012 von de Rääd von de beiden Samtgemenen un de enkelten Gemenen beslaten worrn. An’n 14. Februar 2013 hett de Binnenminister von Neddersassen, Uwe Schünemann, de Verordnung över dat Tohoopsluten von de Samtgemenen Himmelpoorten un Olendörp ünnertekent un de Fusion is rechtskräftig worrn.^[1] De Wahlen för den Samtgemeenbörgermeester un den Samtgemeenraad weren för den 10. November 2013 ansett.

Seet schall Himmelpoorten wesen, de beiden Raadhüüs in Himmelpoorten un Olendörp schöölt aver all beid bestahn blieven.

Inwahnertall

Johr	Inwahners^[2]
1972-12-3131. Dezember 1972	11.617
1977-12-3131. Dezember 1977	12.951
1982-12-3131. Dezember 1982	13.689
1987-12-3131. Dezember 1987	13.829
1992-12-3131. Dezember 1992	14.730
1997-12-3131. Dezember 1997	16.228
2002-12-3131. Dezember 2002	17.354
2007-12-3131. Dezember 2007	17.508
2012-12-3131. Dezember 2012	17.453
2017-12-3131. Dezember 2017	18.176

Politik

To de Samtgemeen höört de teihn Gemenen:

Gemeen Burweg
Gemeen Düünbeudel
Gemeen Engelschopp
Gemeen Esdörp
Gemeen Grootweurn
Gemeen Hammah
Gemeen Heinbockel
Gemeen Himmelpoorten (Sitt von de Verwalten)
Gemeen Kronenborg
Gemeen Olendörp

Samtgemeenraad

Samtgemeenraad
Johr \ Partei	Tall	CDU	SPD	Gröne	FWG	OLH	ahn Partei
2013	39	16	10	2	8	2	1

Liddmaten:

2013:
CDU: Klaus-Peter Borchers-Saß, Reiner Braack, Maria Stegmann, Heinz Düe, Udo Elfers, Rainer Jürgens, Martin Knoop, Detlef Maretzki, Michael Meyer, Hermann Mügge, Werner Schmidt, Uwe Uhlendorf, Manfred von der Lieth, Heide von Limburg, Rolf Wieters, Matthias Wolff

SPD:Margitta Bertram, Burkhard Borchers, Wolfgang Dipper, Hans-Werner Hinck, Manuela Mahlke-Göhring, Bernd Reimers, Stephanie Tiedemann, Lothar Wille, Bernhard Witt, Marc-André Wolfkühler

Gröne: Ursula Männich-Polenz, Viktor Pusswald

FWG: Ulrich Allers, Sven Frisch, Andreas Haack, Hans Willi Heinsohn, Klaus Günter Lührs, Antje Rieckmann, Johann Schlichtmann, Günter Sommerfeld

OLH: Gerhard Dodenhoff, Stefan Holst

Samtgemeenbörgermeester

Börgermeester	Tied	Partei
Holger Falcke	1. Januar 2014-	ahn Partei

Bi de Wahl an’n 10. November 2013 hett Holger Falcke 85,09 Perzent Jo-Stimmen kregen.

Wapen

Dat Wapen von de Samtgemeen wiest baven op blauen Grund en gollen Poort mit fiev Doren un ünnen op gollen Grund en swart Staffkrüüz. Deelt sünd de beiden Feller dör en sülvern Wellenliest.

De gollen Poort stammt von dat fröhere Klooster Himmelpoorten un kummt ut dat Wapen von Himmelpoorten. Dat swarte Staffkrüüz kummt ut dat Wapen von Olendörp.