Kanton Himmelpoorten

De Artikel „Kanton Himmelpoorten“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.

De Kanton Himmelpoorten weer as Kanton en Verwaltungsrebeed in de Franzosentied (1810-1813). De Seet weer Himmelpoorten.

Historie

Dat Rebeed hett vörher to dat Hertogdom Bremen (Kurförstendom Hannover) höört un hett dor dat Amt Himmelpoorten un de Gerichten Oosten un Heckthusen billt.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Kanton Himmelpoorten een von de Kantons in’n Distrikt Stood von dat Departement von de Elv- un Wersermünn. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Himmelpoorten weer nu een von de teihn Kantons, ut de de Distrikt Stood in dat Departement von de Elvmünnen tohoopsett weer. Dat Leid över den Kanton harr von 1811 bet 1813 de Kantonsmaire Johann Friedrich Meyer.

In’n Harvst 1813 hebbt de Russen de Franzosen slahn un dat Rebeed befreet. Dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.

De Kanton harr 12.105 Inwahners^[1] un weer indeelt in veer Mairien:

Footnoten

↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64

Kantons in’n Distrikt Stood (Königriek Westfalen, 1810–1811)

Kantons in’n Distrikt Stood (Kaiserriek Frankriek, 1811–1813)

[1] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64

[1]