Groot Freenbeek

Wapen/Flagg

Koort

Basisdaten

Bundsland: Neddersassen

21717

04149

Koordinaten:53° 32′ N, 9° 25′ O53° 32′ N, 9° 25′ O

Groot Freenbeek (hoochdüütsch Groß Fredenbeck) weer fröher en sülvsstännig Dörp un is vondaag mit Lüttjen Freenbeek to Freenbeek tohoopwussen. Dat liggt in de Gemeen Freenbeek in’n Landkreis Stood, Neddersassen.

Geografie

In’n Noorden löppt de Swing an Groot Freenbeek langs.

De Naveröörd sünd Hagen in’n Noordoosten, Deinst in’n Oosten, Wehl in’n Süden, Kutenhult un Mulsen in’n Süüdwesten, Lüttjen Freenbeek in’n Westen un Hogenoh un Swing in’n Noordwesten.

Historie

Groot Freenbeek hett bet 1852 to de Böörd Mulsen in dat Amt Harsfeld tohöört. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 weer dat in’n Kreis Stood un von 1932 af an in’n hüdigen Landkreis Stood.

De Gemeen Groot Freenbeek hett von 1965 bet 1972 to de Samtgemeen Freenbeek tohöört. De is 1972 oplööst worrn. In dat Johr is mit de Kommunalreform in Neddersassen de ne’e un gröttere Samtgemeen Freenbeek billt worrn, to de de Oort sietdem höört. Groot Freenbeek is dorbi tohoop mit Lüttjen Freenbeek, Swing un Wehl Deel von de ne’e Gemeen Freenbeek worrn.

Inwahnertall

Johr	Inwahners
1824-00-001824^[1]	19 Füürsteden
1848-00-001848^[2]	194 Lüüd, 36 Hüüs
1871-12-011. Dezember 1871^[3]	176 Lüüd, 31 Hüüs
1910-12-011. Dezember 1910^[4]	277
1925-00-001925^[5]	278
1933-00-001933^[5]	280
1939-00-001939^[5]	294
1970-00-001970	529
1986-00-001986	1.468
1991-00-001991	1.539
1997-00-001997	1.898

Religion

Groot Freenbeek is evangeelsch-luthersch präägt un hett mit de Martin-Luther-Kark, de 1960/1961 boot worrn is, en egen Kark.

Kultur

Verenen

De Freewillige Füürwehr von Groot Freenbeek is an’n 31. Juli 1935 grünnt worrn. De Füürwehr is denn an’n 1. Juni 2003 mit de von Lüttjen Freenbeek tohoopgahn.

Infrastruktur

Verkehr

Groot Freenbeek liggt an de Kreisstraat 1, de in’n Oosten över Deinst na de Landsstraat 124 bi Helmst löppt un in’n Westen in Lüttjen Freenbeek na Noorden na Swing hen afknickt.

Footnoten

↑ C. H. Jansen: Statistisches Handbuch des Königreichs Hannover. 1824, Sied 192: http://books.google.de/books?id=tG0AAAAAcAAJ&pg=PA192
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
↑ http://www.gemeindeverzeichnis.de/gem1900/gem1900.htm?hannover/stade.htm
↑ ^a ^b ^c http://www.verwaltungsgeschichte.de/stade.html

De Artikel „Groot Freenbeek“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.

[InwahnertallRef1-1] C. H. Jansen: Statistisches Handbuch des Königreichs Hannover. 1824, Sied 192: http://books.google.de/books?id=tG0AAAAAcAAJ&pg=PA192

[InwahnertallRef2-2] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134

[InwahnertallRef3-3] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142

[InwahnertallRef4-4] ttp://www.gemeindeverzeichnis.de/gem1900/gem1900.htm?hannover/stade.htm

[verwg.de-5] ttp://www.verwaltungsgeschichte.de/stade.html

[1]

[2]

[3]

[4]

[5]