Mulsen (Landkreis Stood)
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 8,45 km² | |
| Inwahners: | ||
| Postleettall: | 27449 | |
| Vörwahl: | 04762 | |
| Geograafsche Laag: | Koordinaten:53° 31′ N, 9° 18′ O53° 31′ N, 9° 18′ O | |
|
| ||
Mulsen (hoochdüütsch Mulsum) is en Dörp in de Gemeen Kutenhult in’n Landkreis Stood, Neddersassen. De Swing hett ehren Born twüschen Mulsen un Öölm. Von dor is de Beek ok över den Oost-Swing-Kanaal mit de Oost verbunnen.
Geografie
ännernDe Naveröörd sünd Hogenoh in’n Noorden, Freenbeek un Wehl in’n Oosten, Kutenhult un Eßel in’n Süden un Öölm in’n Westen.
Historie
ännern
De Oort kummt al in de Tied 1111 bet 1116 as Mulesla in en Oorkunn vör un weer en egen Kaspel.[1]
De Möhl Anna-Maria is 1843 boot worrn.
In’n Eersten Weltkrieg sünd 52 Soldaten ut Mulsen fullen oder vermisst un in’n Tweten 132.[2]
Verwaltungsgeschicht
ännernVör 1852 weer dat Dörp in de Böörd Mulsen binnen dat Amt Harsfeld. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 hett dat denn to’n Kreis Stood höört un von 1932 af an to’n hüdigen Kreis Stood.
Mulsen is an’n 1. Juli 1972 bi de Gemeenreform in Neddersassen mit de Gemeen Kutenhult tohoopleggt worrn.
An’n 28. März 1990 hett de neddersassische Landdag beslaten, dat Mulsen un welk annere Gemenen wedder sülvstännig warrn schullen. Dat hett dat Bundsverfatensgericht aver wedder stoppt, vonwegen dat dat mit de Verfaten nich övereen weer.
Inwahnertall
ännern| Johr | Inwahners |
|---|---|
| 1824[3] | 33 Füürsteden |
| 1848[4] | 615 Lüüd, 98 Hüüs |
| 1. Dezember 1871[5] | 628 Lüüd, 94 Hüüs |
| 1. Dezember 1910[6] | 828 |
| 1925[7] | 416 |
| 1933[7] | 995 |
| 1939[7] | 975 |
Religion
ännern
Mulsen is evangeelsch-luthersch präägt un billt mit de Petrus-Kark en egen Kaspel, to dat ok de Öörd Kutenhult, Eßel, Swing un Soors höört.
De eerste Kapell in Mulsen is 786 von Willehad grünnt worrn[8]. De Pastoor keem in de Tied noch ut Harsfeld. Eerst üm un bi 1100 is Mulsen en egen Kaspel mit egen Pastoor worrn. De Örgel von Johann Hinrich Röver is 1869 bet 1870 boot worrn un 1989/1990 von Martin Haspelmath utbetert worrn.
För de Kathoolschen weer von 1968 bet 2003 de Lukas-Kark in Freenbeek tostännig. De Kark is denn dichtmaakt worrn, üm Geld to sporen. Vondaag höört de Oort to de Karkengemeen von de Hillig-Geist-Kark in Stood. En annere kathoolsche Kark in de Ümgegend is de Michael-Kark in Harsfeld.
De Karkhoff Mulsen is 1874 anleggt worrn un liggt an de Schierler Straat.
Wapen
ännernDat Wapen von Mulsen wiest op blauen Grund en sülvern Windmöhl.
Dat steiht för de ole Windmöhl, de in Mulsen ok vondaag noch steiht.
Kultur
ännernEn Denkmaal för de Fullenen ut de twee Weltkrieg’ steiht bi de Kark.
In Mulsen warrt jümmer an’n Sünnavend vör’n tweten Advent Wiehnachtsmarkt fiert.
Weertschop un Infrastruktur
ännernVerkehr
ännernMulsen liggt an de Kreisstraat 2, de in’n Noorden bi Hogenoh an de Bundsstraat 74 rangeiht un in’n Süden na Kutenhult löppt. Mulsen hett en Bahnhoff an de Moorexpress-Bahn.
Scholen
ännernIn Mulsen is een von de twee Standöörd von de Grundschool Kutenhult-Mulsen.
Ünnernehmens
ännernIn de Straat Höchststadt 7 hett de Volksbank Freenbeek-Olendörp en Filiaal un in de Höchststadt 14 de Kreisspoorkass Stood.
Lüüd
ännernDe Bremerhobener Politiker Carl Stelljes is 1885 in Mulsen boren un de Heimatkundler Willy Klenck 1890.
Footnoten
ännern- ↑ Hamburgisches Urkundenbuch. Band 1, Perthes-Besser, 1842, Sied 125
- ↑ Onlineprojekt Gefallenendenkmäler
- ↑ C. H. Jansen: Statistisches Handbuch des Königreichs Hannover. 1824, Sied 420: http://books.google.de/books?id=tG0AAAAAcAAJ&pg=PA420
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ a b c http://www.verwaltungsgeschichte.de/stade.html
- ↑ http://www.kirche-mulsum.de/wir/historie.html
Weblenken
ännern
Mulsen (Landkreis Stood). Mehr Biller, Videos oder Audiodateien to’t Thema gifft dat bi Wikimedia Commons.