Samtgemeen Freenbeek

Dit Woort hett noch annere Bedüden: kiek dorför ünner Samtgemeen Freenbeek (1965–1972).

De Samtgemeen Freenbeek is en Rebeetsverband in’n Landkreis Stood twüschen Hamborg un Bremen op de Stoder Geest. Se hett 12.774 Inwahners (Stand 31. Dezember 2016).

Wapen/Flagg	Koort
Basisdaten
Sitt:	Freenbeek
Landkreis:	Stood
Flach:	143,99 km²
Inwahners:	12.774 (31. Dezember 2016)
Geograafsche Laag:	53° 31′ N, 9° 23′ O
Grenzen bi OSM:	445846
Gemeenslötel:	03 3 59 402
Tall Gemenen:	3
SG-Börgermeester:	Ralf Handelsmann (ohn'n Partei)
Websteed:	www.fredenbeck.de
Koort Kreis Laag von de Gemeen Samtgemeen Freenbeek in’n Landkreis Stood (Koort lett sik anklicken)

Geografie

Samtgemenenopdelen

De Samtgemeen besteiht ut de dree Gemeenden Deinst, Freenbeek un Kutenhult.

Historie

1965 is de lüttjere Samtgemeen Freenbeek grünnt worrn, to de de Gemenen Groot un Lüttjen Freenbeek, Wehl un Helmst höört hebbt un to de later ok noch Swing un Deinst tokamen sünd. Mit de Kommunalreform in Neddersassen hett sik 1972 de hüdige gröttere Samtgemeen Freenbeek billt.

Inwahnertall

Johr	Inwahners
1972-12-3131. Dezember 1972	7.768
1977-12-3131. Dezember 1977	8.770
1982-12-3131. Dezember 1982	9.620
1987-12-3131. Dezember 1987	9.695
1992-12-3131. Dezember 1992	10.522
1997-12-3131. Dezember 1997	11.948
2002-12-3131. Dezember 2002	12.898
2007-12-3131. Dezember 2007	12.902
2012-12-3131. Dezember 2012	12.690
2017-12-3131. Dezember 2017	12.713

Politik

Samtgemeenderaat

De Samtgemeenderaat hett 30 Liddmaten.

Sitten in’n Samgemeenderaat

Johr	CDU	SPD	De Grönen	FWG-ProBürger
2006	16	12	2	-
2011	14	10	3	3

Samtgemeenbörgermeesters

Dat Amt von’n Samtgemeenbörgermeester weer bet to dat Enn von de Tweegleisigkeit 2001 ehrenamtlich. Siet 2001 is de Börgermeester in’t Hauptamt för de Verwaltung von de Samtgemeen tostännig.

• 1972–1996: Heinrich Klintworth
• 1996–2001: Johann Burfeindt (CDU)
• 2001–31. Oktober 2014: Friedhelm Helk (ahn Partei)
• 1. November 2014–: Ralf Handelsmann (ahn Partei)

Samtgemeendirekters

Dat Amt von’n Samtgemeendirekter is 2001 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.

• –2001: Wilfried Perschke

Wapen

Dat Wapen hett en Schild, dat vun enen sülvern Bülgenbalken in twee Deele opdeelt is. Boben sünd gulden Windmöhlenflögel op blau'n Grund, ünnen is en gulden Möhlensteen op roden Grund.

De Möhlensteen düüdt op de Watermöhlen in Lüttjen Freenbeek un Deinst hen un de Flögels op de Windmöhl in Mulsen. De sülvern Bülgenbalken steiht as Symbool för de Swing.

Kultur un wat to bekieken is

Museum

In Deinst is dat Düütsche Feld- un Kleenbohnmuseum.

Bowarken

• Watermöhl in Freenbeek
• Watermöhl in Deinst
• Windmöhl Anna-Maria in Mulsn
• Feldsteenkark in Mulsn

Sport

In de Samtgemeen Freenbeek gifft dat en Reeg Sportverene. An'n beropensten is de VfL Freenbeek, de all in de twete Handballbundsliga speelt hett. Fröher hett disse Veren tweemol ok kotte Tied in de eerste Bundsliga speelt, kunn sik dor obers nicht dörsetten un is nu in de Regionalliga afsteegen.

Verkehr

Dörch de Samtgemeen löppt bi Schwing Bundsstraat 74, de Bundsstraat 73 vun Cuxhoben no Hamborg is nich wiet weg.

De Iesenbohn vun Buxthu na Bremerhoben warrt vun de Iesenbohn- un Verkehrsbedrief Elv-Werser GmbH (EVB) bedreeven un hett Bohnhööv in Kutenhult un in Aasp.

Scholen

De Samtgemeen Freenbeek is Dreger von de Geestlandschool as Oberschool un von de Grundscholen Freenbeek un Kutenhult-Mulsen.

Weblenken

Samtgemeen Freenbeek. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun de Samtgemeen Freenbeek (hoochdüütsch)
• Websteed von dat Düütsche Feld- un Kleenbohnmuseum (hoochdüütsch)

Footnoten

Samtgemenen in’n Landkreis Stood

Freenbeek | Harsfeld | Hornborg | Lüh | Noordkeden | Obbens | Olendörp-Himmelpoorten