Hans Schuberth

Hans Schuberth (* 5. April 1897 in Schwabach; † 2. September 1976 in München) weer en düütsch Politiker (CSU). Van 1949 bit 1953 weer he Bundsminister för dat Post- un Fernmellewesen.

Utbillen un Berop

Nah dat Abitur 1914 nehm Schuberth as Suldat an' Eersten Weltkrieg deel. Nah en swoor Verwundung, in deren Folg hüm en Been amputeert wurrn muss, weer he van 1915 bit 1916 as Praktikant bi de Maschinenfabrik Deutschland in Düörpm tätig. Dornah hett he af 1916 en Maschinenbaustudium an de Technische Hoochschool München anfungen, dat he 1920 as Diplom-Ingenieur (Maschinenbau) afsluuten dee. Wiels sien Studium wurr he Liddmaat vun de kathoolsch Studentenverbindung K.D.St.V. Rheno-Franconia München in den CV. He hett denn as Bedrievsingenieur bi de Deutsche Werke AG in Dachau un München arbeit. Van 1925 bit 1926 hett he en tosätzlich Studium vun de Elektrotechnik maakt, dat he ebenfalls mit en Diplom afsluuten dee. 1926 is he in den Deenst vun de Riekspost intreeden. 1931 wurr he Postassessor un 1933 Postraat. 1934 wurr he an dat Riekspostzentralamt in Berlin dwangswies versett, wiel he sück wiegern dee, de NSDAP intotreeden, nich mehr befördert. Siet 1937 weer he bi de Riekspostzentraldirektschoon in Landshut, siet 1943 in München tätig.

Nah den Tweeten Weltkrieg wurr he 1945 to'n Stellvertreeden Präsidenten vun de Böverpostdirektschoon München nömmt. In' Oktober 1945 wurr he Präsident vun de Postdirektschoon Regensborg. 1947 wurr he denn Präsident vun de Böverpostdirektschoon München.

Partei

Siet Kriegsenn' weer Schuberth Liddmaat vun de CSU.

Afordneter

Schuberth hörr van 1953 bit 1957 den Düütschen Bundsdag an. He is es direkt wählt Afordneter vun den [Wahlkreis]] Landshut in den Bundsdag intrucken. 1957 broch he gemeensam mit wiederen Bundsdagsafordneten vun CSU un DP en Gesettentwurf to dat Upheeven vun Artikel 102 Grundgesett, also mit dat Teel de Doodsstraaf weer intoführen, in, över den aber nie nich afstimmt wurrn is.

Apenlich Ämter

1947 wurr he to’n Staatssekretär för dat Post- un Fernmeldewesen in dat Bayerisch Staatsministerium för Verkehr nömmt.

Van 1947 bit 1949 weer he denn wählt Direkter vun de Verwaltung för dat Post- un Fernmellwesen bi de Verwaltung vun dat Vereenigte Wertschapsrebeet in Frankfort an‘ Main.

Nah de Bundsdagswahl 1949 wurr he an’n 20. September 1949 to’n Bundsminister för dat Post- un Fernmellewesen in de vun Bundskanzler Konrad Adenauer führt Bundsregeeren beropen. Nah de Bundsdagswahl 1953 is he ünner den Vörwand vun den konfessionellen Proporz in dat Kabinett up Wunsch vun Adenauer, de vör allen de CSU swaaker maaken wull, vör de Ernennung vun sien evangeelschen Amtsnahfolger Siegfried Balke an‘n 9. Dezember 1953 ut de Bundsregeeren utscheeden.

Schuberth weer denn noch för en körten Tiet 1953/54 Sünnerbotschopper bi den Vatikan.

Sellschaplich Ämter

Schuberth weer van 1953 bit 1956 Vörsitter vun den Vereen vun düütsch Ingenieure (VDI).

Utteknungen

1953: Grootkrüüz vun den Verdeenstorden vun de Bundsrepubliek Düütschland
1959: Bayerischer Verdeenstorden

Literatur

Rudolf Vierhaus und Ludolf Herbst (Hrsg.): Biographisches Handbuch der Mitglieder des Deutschen Bundestages 1949–2002. Band 2, N–Z, Saur, München 2002, ISBN 3-598-23782-0, S. 787–788.