Harry Potter and the Sorcerer’s Stone (Film)
| Filmdaten | |
|---|---|
| Plattdüütsch Titel: | — |
| Originaltitel: | Harry Potter and the Sorcerer’s Stone |
| Düütsch Titel: | Harry Potter und der Stein der Weisen |
| Produkschoonsland: | USA Grootbritannien |
| Johr vun’t Rutkamen: | 2001 |
| Läng: | 152 Minuten |
| Originalspraak: | Engelsch |
| Öllersfreegaav in Düütschland: | FSK 6 |
| Filmkru | |
| Speelbaas: | Chris Columbus |
| Dreihbook: | Steve Kloves Joanne K. Rowling |
| Produkschoon: | David Heyman |
| Musik: | John Williams |
| Kamera: | John Seale |
| Snitt: | Richard Francis-Bruce |
| Dorstellers | |
| |
Harry Potter and the Sorcerer’s Stone (op Platt soveel as „Harry Potter un de Steen vun’n Töverer“; toeerst ok Harry Potter and the Philosopher’s Stone; dt. Titel: Harry Potter und der Stein der Weisen) is en Kinnerfilm vun 2001, de na den glieknöömig Roman vun Joanne K. Rowling dreiht worrn is. He hett weltwiet mehr as 970 Millionen US-Dollar inspeelt un gellt dormit as een vun de spoodrieksten Filmen vun all Tieten.
Inholt ännern
Harry Potter is as en Weetkind in de spießigen Familie opwossen. An sien ölften Geboortsdag warrt em vertellt, dat he magische Kräft hett, un dat he op de School för Tööveree un Hexeree in Hogwarts opnahmen is. Ünner annere Kinner as em sülvst leevt he dor un kriggt mit, wat dat mit de Töveree op sik hett. He is faszineert vun de Welt vun de School. Dor warrt he in de verscheeden Fachrebeten vun de Töveree un Magie utbillt un warrt gau to en Star bi’t Quidditch Spelen, wieldat he so en goden Bessenrieder is.
In de School warrt Harry verkloort, dat he en Verbinnen hett to den düsteren Töverer Voldemort, de fröher sien Öllern ümbrocht hett un ok em süvst ümbringen wull. Mit sien Frünnen Ron Weasley un Hermine Granger geraat he in manch dumme Saak. Vör allem de düstere Professer Snape, de em gegenöver en beten wat övel stimmt is, warrt vun Harry verdächtigt, mit de bösen Siet tohopentoarbeiten. He glöövt, dat Snape in’n Opdrag vun böse Töverers achter en Leven spennend Steen her is, vun denn de Schöler egentlich gor nich weten drööft, dat de in de Muern vun de School to gang is. Harry dringt mit sien Frünnen in dat goot bewacht Versteek vör. Dor draapt se op den wohren Hülpsmann vun Voldemort. Se künnt jüst noch verhinnern, dat he Voldemort to en ne’en Lief verhülpen deit.
Kritik ännern
Lexikon vun’n internatschonalen Film: Aufwändig inszenierter, ebenso turbulenter wie spannender Fantasyfilm nach dem gleichnamigen Erfolgsroman, der sich überwiegend an den vielen attraktiven Schauwerten orientiert, während er den subtileren Tönen der fantasiereichen, fabulierfreudigen Vorlage deutlich Zügel anlegt, um die kommerzielle Breitenwirkung nicht zu gefährden.
Utteken ännern
De Film weer vör dree Oscars nomineert, hett aver dorvun keen wunnen. He weer aver mit 13 Priesen uttekent und vör mehr as veertig wietere vörslahn. Wunnen hett de Film:
- 2001 – den Bogey Award in Titan
- 2002 – de Golden Lienwand mit twee Steerns
- 2002 – Artios vun de Casting Society of America för Jane Jenkins un Janet Hirshenson för dat Beste Casting
- 2002 – den BMI Film Music Award för den Komponist John Williams
- 2002 – den Broadcast Film Critics Association Award för den Besten Familienfilm - Live Action
- 2002 – den Costume Designers Guild Award för Judianna Makovsky för de Besten Kostümen vun en Fantasyfilm
- 2002 – den Evening Standard British Film Award för Stuart Craig för de Beste technisch/künstlerisch Leistung
- 2002 – den Las Vegas Film Critics Society Award för den Besten Familienfilm
- 2002 – den Saturn Award för Judianna Makovsky för de Besten Kostümen
- 2002 – den Special Achievement Award vun de Golden Satellite Awards för Rupert Grint as utermaten junget Talent
- 2002 – den Young Artist Award för Emma Watson för de Beste Hööftdorstellerin in en Speelfilm (deelt mit Scarlett Johansson)
- 2002 – den Young Artist Award för Rupert Grint as Meistverspreken Nee’dorsteller
- 2006 – den Outstanding Contribution to British Cinema Award vun de Empire Awards för de Harry-Potter-Filmen 1–4
Dit un dat ännern
- Warner Bros. hett de Rechten för den Film teemlich billig köfft, lang vördem de Böker spoodriek worrn sünd, as vundaag.
- Joanne K. Rowling hett dorop bestahn, dat de Schauspelers all britisch wesen mööt. Vör Dumbledore un Finnegan hett man en Utnahm maakt un twee Iren nahmen. Ok Madam Hooch is nich britsch, de Schauspelersche kummt ut de USA.
- Rowling hett bito ok as Beratersche bi dat Dreihbook mitschreven un den Hööftschriever vun dat Dreihbook in veele Saken inweiht, de eerst in de lateren Böker schreven warrn schulln.
- In de USA lööp disse Film ünner den anneren Titel Harry Potter and the Philosopher’s Stone. De Titel is naher ännert worrn, wiel de amerikaansche Bookverlag meen, de Titel künn sik woll to langwielig för de jungen amerikaanschen Tokiekers anhöörn.
- Deele vun den Film müssen naher nasynchroniseert warrn, wiel Daniel Radcliffe (Harry Potter) wiel de Dreiharbeiten sien Stimmbrook harr.
Literatur ännern
- Joanne K. Rowling: Harry Potter un de Wunnersteen, ISBN 3-89882-012-2
Weblenken ännern
- Harry Potter and the Sorcerer’s Stone (Film) in de Internet Movie Database (engelsch)
- Besnacken vun de Filmmusik op www.filmmusikwelt.de
2001: Harry Potter and the Sorcerer’s Stone | 2002: Harry Potter and the Chamber of Secrets | 2004: Harry Potter and the Prisoner of Azkaban | 2005: Harry Potter and the Goblet of Fire | 2007: Harry Potter and the Order of the Phoenix | 2009: Harry Potter and the Half-Blood Prince | 2010: Harry Potter and the Deathly Hallows: Part 1 | 2011: Harry Potter and the Deathly Hallows: Part 2 |