Hasenfleet

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Öberndörp
Inwahners:
Postleettall:	21787
Vörwahl:	04772
Geograafsche Laag:	53° 45′ N, 9° 11′ O

Hasenfleet (hoochdüütsch Hasenfleet) is en Oort in de Gemeen Öberndörp (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Öberndörp mit bi.

Geografie

Hasenfleet liggt an’n Westrand von dat ole Kedener Moor hen na de Masch von de Oost. Dat Water ut Hasenfleet flütt na Westen af över dat Von-Holt-Neemannsche Slüsenfleet na de Oost.

De Naveröörd sünd Tollboom, Bremerreeg un Swartenmoor in’n Noordoosten, Isensee in’n Süüdoosten, Nedderstreek in’n Süüdwesten, Öberndörp in’n Westen un Bentwisch un Moordiek in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1848-00-001848	93 Lüüd, 15 Hüüs
1871-12-011. Dezember 1871	107 Lüüd, 17 Hüüs

Religion

Hasenfleet is evangeelsch-luthersch präägt un höört to dat Kaspel von de Georg-Kark in Öberndörp.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Weertschop un Infrastruktur

In Hasenfleet is siet 1919 de Meieree Hasenfleet tohuus.

Verkehr

Hasenfleet liggt as Blangenstraat an de Landsstraat 113, de in’n Noordoosten na Öderquart un Freeborg geiht un in’n Westen na Öberndörp un över de K 24 in Hööftgroov an de Bundsstraat 73 ran. Von de L 113 geiht na Süüdoosten de Kreisstraat 27 af, de in Schüttdamm an de B 495 ran geiht.

De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 38 Kilometer in’n Süüdoosten von Hasenfleet.

De nächste Bahnhoff is so bi söss Kilometer wied weg in’n Westen de Bahnhoff Wingst an de Nedderelvbahn.