Heinrich von Müller

Heinrich von Müller (* 26. November 1880 in Berlin; † 18. Mai 1935 in Berlin-Wilmersdörp) weer en düütschen Verwaltungsbeamten.

Von Müller is 1880 in Berlin boren un hett Juristeree studeert. He is an’n 27. April 1907 Regerungsassesser worrn un an’n 1. Dezember 1915 Regerungsraad bi de Bezirksregerung Düsseldörp.

He is 1916 as Nafolger von Friedrich von Mettenheimer Landraad von’n Kreis Rodenborg worrn. Toeerst kommissarsch, an’n 19. März 1917 denn richtig. Dat is he bet 1920 bleven, as em Armin von Lossow in’t Amt aflööst hett. Von Müller is denn na dat Polizeipräsidium in Berlin versett worrn un is dor an’n 15. Januar 1921 Regerungsraad worrn. Den Rang von en Böverregerungsraad hett he an’n 31. März 1925 kregen un den von en Regerungsdirekter an’n 10. August 1926. An’n 3. Oktober 1928 is he denn Böververwaltungsgerichtsraad worrn.