Hemmoorium

Dat Hemmoorium is en Tiedafsnidd in de Geologie, de von üm un bi 19,25 bet 15,5 Millionen Johr vör uns Tied reckt. Dat is Deel von dat Miozän un binnen dat Miozän von dat Langhium (vör 15,97-13,65 Ma) un dat Burdigalium (20,43-15,97 Ma). De Utdruck Hemmoorium warrt blots för de Sedimenten in Noorddüütschland un ümto bruukt (Noorddüütsch Tertiärbecken). De Naam kummt af von’n Oort Hemmoor. Dor hett dat en Kriedkuhl geven. De Schichten von dat Hemmoorium liggt över de Kried.

Vör dat Hemmoorium keem dat Veerlannium (23,8-19,25 Ma) un achterna dat Reinbekium (15,5-12,25 Ma). Dat Hemmoorium warrt noch wieder ünnerdeelt in dat Oxlundium un dat Behrendorfium.

Desülve Tied in Süüddüütschland un Middeleuropa (zentrale Paratethys) warrt in de Tiedafsneed Eggenburgium (20,8-18,3 Ma), Ottnangium (18,3-17 Ma), Karpatium (17-16 Ma) un Badenium (16-13,3 Ma) indeelt.

De Sedimenten von dat Hemmoorium sünd vör allen Kalksandsteen, in de ok veel Schalen von Mollusken to finnen sünd. Noorddüütschland leeg to de Tied op’n Grund von en siede See. As Leidfossilien warrt de Sniggen Vaginella austriaca un Hinia subobesa ansehn. Af un to sünd ok de Hemmoorer Kugeln in de Sedimenten to finnen.