Henry Gordon (Politiker)
Henry Gordon (* üm un bi 1943) is en Pastoor un Politiker ut Belize (UDP).
Gordon is in Belize-Stadt opwussen un weer op de St. Mary’s Primary School.[1] Later hett he dat British Honduras College besöcht un weer von 1966 bet 1970 op de Universität von Calgary (Kanada).[1] Gordon weer in junge Johren Sportler. He weer as Löper för de Caribbean Games 1974 in Santo Domingo qualifizeert, is denn aver nich antreden.[1]
Gordon weer von 1984 bet 1989 Sekretär in dat Ministerium för Energie ünner Minister Derek Aikman un denn bet 1993 Sekretär in dat Ministerium för Energie ünner Staatsminister Miguel Ruiz. 1992 is he Generaalsekretär von de UDP worrn. Nadem de UDP de Wahl 1993 wunnen harr, is Gordon von 1993 bet 1998 Kabinettssekretär ünner Premierminister Manuel Esquivel ween.[2]
Tosätzlich weer he ok Chief Meteorological Officer.
Gordon is 2008 as Vertreder von de Karken Maat von’n Senaat von Belize worrn.[2] He weer Nafolger von Moises Chan un is sülvs 2012 von Noel Leslie aflööst worrn.
Gordon triddt in de Kremandala Show as polietschen Kummentater op un hett in dat Bladd Amandala en Kolumne, de In Search of Truth heet.
Footnoten
ännern- ↑ a b c Athletics in Belize, past and present – Mr. Henry Gordon, Amandala an’n 29. Oktober 2010
- ↑ a b Henry Gordon Will Represent Churches on Senate, 7 News Belize an’n 28. Februar 2008
