Herb Ellis

Mitchell Herbert Ellis (* 4. August 1921 in Farmersville, Texas; † 28. März 2010 in Los Angeles) weer en US-amerikaansch Jazz-Gitarrist.

Herb Ellis

Ellis hett van 1941 bit 1943 an de North Texas State University studeert. 1943 wurr he Liddmaat vun Glen Grays Casa Loma Orchestra un keem denn to Jimmy Dorseys Big Band. 1947 hett he mit Lou Carter un Johnny Frigo de Band The Soft Winds, grünnd, de bit 1953 bestunn. Dornah hörr he bit 1958 to dat Oscar Peterson Trio an un hett mit Ella Fitzgerald arbeidt. In de 1960er-Johren hett he tallriek Studioupnahmen inspeelt un is in Feernsehshows vun Steve Allen, Regis Philbin, Joey Bishop un Merv Griffin uptreden. In de 1970er-Johren weer he Liddmaat vun de Great Guitars (mit Barney Kessel un Charlie Byrd) un hett mit Joe Pass arbeit. In de 1990er-Johren is he weer mit Oscar Peterson uptreden.

In de Loop vun sien Karriere hett he mit Grötten as Oscar Peterson, Dizzy Gillespie, Coleman Hawkins, Roy Eldridge, Della Reese, Steve Allen, Red Skelton un Danny Kaye arbeit.

Diskographische Henwiesen

Ellis In Wonderland, 1956 Nothing But the Blues (Verve, 1957) mit Eldridge, Hawkins, Peterson, Ray Brown, Stan Levey, Gus Johnson Herb Ellis Meets Jimmy Giuffre (1959) Jazz/Concord (Concord, 1972) mit Joe Pass, Ray Brown, Jake Hanna

Soft Shoe (Concord, 1974) mit Harry Sweets Edison, George Duke Hot Tracks (Concord, 1975) mit Sweets Edison, Plas Johnson, Monty Budwig, Jake Hanna Doggin' Around (Concord, 1988) Duo mit Red Mitchell Roll Call (Justice, 1991) mit Melvin Rhyne An Evening with Herb Ellis (Jazz Focus, 1995) mit Chuck Israels

Literatur

• Maurice Summerfield: The Jazz Guitar – Its evolution and its players (engelsch). Ashley Mark Publishing 1978, ISBN 0-9506224-1-9

Weblenken

• Ellis in de Katalog vun de Deutsche Nationalbücherei