Hermann Christian Friedrich von Issendorf
Hermann Christian Friedrich von Issendorf (* 1747 op Good Düring; † 16. Oktober 1792 in Horborg) weer en düütschen Verwaltungsbeamten.
Von Issendorf is 1747 as Söhn von Antoinette Marie, borene von Wersebe (1720–1755), un Johann Friedrich von Issendorf (1708–1773) op Good Düring in Düring boren.[1] Na’n Dood von sien Vader hett he dat Good Düring övernahmen un is dor an’n 15. Juni 1773 mit in’e Riddermatrikel von de Ridderschop von dat Hertogdom Bremen indragen worrn. He weer ok Arvherr op dat Good Stinst.
He is 1768 Auditer bi de Justizkanzlie Stood worrn un 1772 Richter von dat Gericht Leh.[1] He hett an’n 13. November 1772 dat Recht kregen, den Titel Drost to föhren.[1] Nadem he 1773 Landraad von de Ridderschop worrn is, hett he sien Amt as Richter 1774 freewillig afgeven.
Von Issendorf hett Anna Amalie von der Decken (1755–1827) freet. De beiden harrn de Söhns Christian Wilhelm (15. Juli 1783–10. Juni 1843) un Friedrich August von Issendorf (25. Januar 1791–18. April 1831).[2]
Footnoten
ännern- ↑ a b c Dieter Riemer, Uwe Lissau: Vom Leher Vogt zum Amtsgerichtspräsidenten. Gerichtsvorstände in Bremerhaven-Lehe vom Mittelalter bis heute. Bremerhoben 2011, ISBN 978-3-86918-133-2, Sied 43f
- ↑ Marcelli Janecki: Preußens Schwertadel; 1871- 1896. Berlin 1897, Sied 111
