Gericht Leh
Dat Gericht Leh weer en königlich Gericht un Verwaltungsrebeed in Bremen-Veern un in dat Königriek Hannover mit Seet in Leh binnen de Landdrostie Stood.
Historie
ännern1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Wersermünnen un direkt to Frankriek. Leh weer in disse Tied de Seet von de Mairie Bremerleh in’n Kanton Bremerleh. 1813 müssen de Franzosen dat Rebeed denn opgeven un de ole Stand is wedderkamen.
An’n 3. Mai 1827 hett dat Gericht Leh vörlöpig Gerichtsborkeit un Verwaltung över dat Dörp Geestendörp ut dat Amt Stotel-Vieland övernahmen.[1] To’n 1. Oktober 1827 is dat Dörp denn ok kumplett wesselt.[1]
De Kriminalgerichtsborkeit för dat Gericht Leh hett dat Amt Hagen an’n 1. Januar 1831 övernahmen.[2] Kort later sünd an’n 3. Juli 1831 dat Gericht Leh un dat Amt Stotel-Vieland tohoopleggt worrn un hebbt denn dat Amt Leh billt.
Inwahnertall
ännern| Johr | Inwahners |
|---|---|
| 1810[3] | 1.395 Lüüd, 249 Füürsteden |
| 1823[4] | 1.545 Lüüd, 263 Hüüs |
Richters
ännern- 1680–1692: Gerichtsverwalter Arnold Wicht
- 1692–1709: Richter David Hinrich Wyneken
- 1709–1712: Richter Johann Christoph Wyneken
- 1712–1725: Richter Hans Hinrich Lange
- 1725–1760: Richter Eide Siade Johans
- 1760–1772: Richter Johann Friedrich Mathias Postels
- 1772–1774: Drost Hermann Christian Friedrich von Issendorf
- 1774–1794: Drost Carl von Wersebe
- 1794: Aktuar Rischmüller
- 1794–1797: Richter Claus Heinrich von Lütcken
- 1797–1809: Richter August Wilhelm Carl Georg Ribbentrop
- 1809–1810: Paul Wehner
- 1811–1813: Franzosentied (Kanton Bremerleh)
- 1813–1826: Richter un Amtsassesser supernumerär Ernst Friedrich Haltermann
- 1826/1827: Amtsassesser Carl August Bernhard Biedenweg
- 1827/1828: Amtsassesser Eberhard Christian Compe
- 1828–1831: Richter Johann Gerhard Telting
Footnoten
ännern- ↑ a b Dieter Riemer, Uwe Lissau: Vom Leher Vogt zum Amtsgerichtspräsidenten. Gerichtsvorstände in Bremerhaven-Lehe vom Mittelalter bis heute. Bremerhoben 2011, ISBN 978-3-86918-133-2, Sied 53
- ↑ Juristische Zeitung für das Königreich Hannover. Band 6, 1831, Sied 97
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 138: https://books.google.de/books?id=c24IAAAAQAAJ&pg=PA138
- ↑ Johann G. L. W. Ubbelohde: Statistisches Repertorium über das Königreich Hannover. Hahn, 1823, Sied 86: https://books.google.de/books?id=Rvs-AAAAcAAJ&pg=PA86
