Hildegard Krekel

Hildegard Krekel (* 2. Juni 1952 in Köln; † 26. Mai 2013 in Köln) weer en düütsche Schauspelerin un Synchroonsnackerin. Bekannt wurr se vör allen as Rita, de Dochter vun Alfred Tetzlaff („Ekel Alfred“) in Wolfgang Menge sien satirisch TV-Familienserie Ein Herz und eine Seele.^[1] As Synchroonsnackerin hett se ünner annern Bette Davis un Helen Mirren hör Stimm lehnt.

Werdegang

Krekel hett all mit söss Johren in Kinnerserien vun den WDR-Hörfunk snackt. In dat Öller vun 15 Johren fier se hör eersten grooten Spood in de Gerhart-Hauptmann-Verfilmung Die Ratten. In de 1990er Johren speel se neben Rudi Carrell in de RTL-Serie Rudis Urlaubsshow un an de Siet vun Hape Kerkeling in Club Las Piranjas. Af 1998 speel Hildegard Krekel in de WDR-Serie Die Anrheiner de Weertsfru Uschi Schmitz as ok af 2011 in de Nachfolgeserie Ein Fall für die Anrheiner.

Hildegard Krekel weer de Süster vun de Schauspelerin un Singerin Lotti Krekel. Se harr twee Döchter un weer mit den fröheren Footballbatschonalspeler Max Lorenz verheiraadt. Hör Dochter Miriam Krekel is Redaktschoonsleiterin vun de Berlin-Utgaav vun de Bild-Zeitung.

Hildegard Krekel is an' 26. Mai 2013 an en Krebserkrankung storven.^[2]

Filmografie (Utwahl)

Johr	Titel
1966	Der Mann mit der Puppe, Feernsehn
1968	Der Unfall, Feernsehn
1969	Umschulung, Feernsehn
1971	Besuch auf einem kleinen Planeten, Feernsehn
1972	Zoff
1973-76	Ein Herz und eine Seele, Feernsehreeg
1982	Reden muß man miteinander, Feernseh-Minireeg
1986	Detektivbüro Roth, Feernsehreeg
1986	Goldkronach, Feernsehn
1986-87	Sesamstraße, Feernsehreeg
1986-90	Janoschs Traumstunde, Feernsehreeg
1995	Club Las Piranjas, Feernsehn
1998-2008	Die Anrheiner, Feernsehreeg
2009	Licht aus! Sketch an!, Feernsehreeg