Hinnerk I. de Lange
Hinnerk de Lange (* üm 1065; † 27. Juni 1087) ut dat Geslecht von de Udonen weer von 1082 bet 1087 Graaf von Stood (as Hinnerk III.) un Markgraaf von de Noordmark (as Hinnerk I.).
Hinnerk is as Söhn von Oda von Werl (üm 1050–13. Januar 1110) un Graaf Lüder Udo II. († 4. Mai 1082) boren. Nadem sien Vader doodbleven is, is Hinnerk al jung Graaf von Stood worrn. Man Hinnerk hett sien Amt nich lang behollen. Bi sien Dood 1087 harr he keen Nakamen, de dat Amt as Graaf arven kunnen. Sien Broder Lüder Udo III. hett denn de Graafschop övernahmen.
Hinnerk hett Eupraxia von Kiew (* 1067/1070–20. Juli 1109) freet, de Dochter von’n Grootförst Wsewolod I. von de Kiewer Rus. De Eh hett nich lang wohrt. Nadem Hinnerk doodbleven is, hett Eupraxia in twete Eh Kaiser Hinnerk IV. freet.
Hinnerk I. (–976) • Hinnerk II. (976–1016) • Siegfried II. (1016–1037) • Lüder-Udo I. (1037–1057) • Lüder-Udo II. (1057–1082) • Hinnerk III. (1082–1087) • Lüder-Udo III. (1087–1106) • Rudolf I. (1106–1114) • Hinnerk IV. (1114–1128) • Friedrich (1128–1135) • Rudolf II. (1135–1144) • Hartwig (1144–1145)