Siegfried II.

Siegfried II. (* wohrschienlich 965; † 6. Januar oder 1. Mai 1037) weer von 1016 bet to sien Dood Graaf von Stood.

Siegfried is wohrschienlich 965 as Söhn von Hinnerk den Kahlen un siene Fro Judith (ut dat Geslecht von de Konradiners) boren. 994 hett he Adele von Alsleben freet. De beiden hebbt de Kinner Lüder-Udo (* 994), Irmgard un Bertha hatt.

Siegfried II. weer Graaf in’n Swabengo un in’n Noorddöringengo un Vaagd in Alsleben. As sien Vader doodblifft, warrt toeerst sien Broder Hinnerk de Gode Graaf von Stood. As Hinnerk 1016 denn ok doodblifft, is Siegfried an’e Reeg.