Hollenbeek (Landkreis Stood)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 650 | |
| Postleettall: | 21698 | |
| Vörwahl: | 04164 | |
| Geograafsche Laag: | Koordinaten:53° 28′ N, 9° 28′ O53° 28′ N, 9° 28′ O | |
|
| ||
Hollenbeek (hoochdüütsch Hollenbeck) is en Dörp in de Gemeen Harsfeld, Samtgemeen Harsfeld, in’n Landkreis Stood, Neddersassen mit 650 Inwohner. Dat Dörp liggt an de Au.
To dat Dörp höört ok de lüttje Oortsdeel Lütt Hollenbeek, de en Stück na Noorden to an de Au un an de Grenz na Bargst liggt.
Geografie
ännernHollenbeek liggt op de Stoder Geest.
De Naveröörd sünd Bargst in’n Noorden, Harsfeld in’n Noordoosten, Griemshorst in’n Oosten, Ohrensmoor in’n Süüdoosten, Ohlers in’n Süden un Kokerbeek in’n Westen.
Historie
ännernMiddelöller
ännernErwähnt woor'n is dat Dörp ierstmols in 1536. To de Tied geiv dat 13 Buurnhoffs. Benannt woor'n is de Oort wohrschienlich no denn lüttjen Bach Hollenbeeke, de dat Dörp döörfließen un in de Au mün'n deiht.
In'n 30 jährigen Krieg verarmt dat Dörp tonehms un 1718 waard man ünner schwedische Herrschaft stellt.
Neitied
ännernNa 1718 waard man vun Hannover regiert. 1790 müssen de Hollenbeeker Buuren den Braken, een Wald vun 6300 Morgen, ohne Vergütung an de Obrichkeit avgeben. 1866 schließlich waard man vun Preußen regiert.
20. Johrhunnert
ännernBi drei groote Brände üm 1900 sünd fast all de ollen Hallenhüüs vernicht woor'n. 1937 het man twischen Hollenbeek und Bargst een Sportplatz und een Bodeanstalt inricht. De Sportplatz waard gegenwärtig vun TuS 'Eiche' Bargstedt nutzt un de Bodeanstalt is opgeben woor'n.
In de 1960er entstünn' twei Neibausiedlungen.
De Hollenbeeker Dörpsschool müss' 1975 eern Betrieb instellen, vun dor an waard de Hollenbeeker Kinner in Harsfeld ünnerricht. In de olle School befind sich nu ein Kinnergorten un dat Döörpgemeenschapshuus, wo ünner annerem jährlich de Theotergrupp „De Patzköpp" ein Lustspeel to'n Besten givt.
In 2017 het man dat Huus to Ehren vun ein verdeinten Schoolmeister in Wilhelm-Nack-Huus ümbenennt.
Regionale Tohörigkeet
ännernVör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood hüürt un von 1932 af an to’n hüdigen Landkreis Stood.
Hollenbeek is an’n 1. Juli 1972 bi de Gemeenreform in Neddersassen mit de Gemeen Harsfeld tohoopleggt worrn.
Inwohnerzohl
ännern| Johr | Inwahners |
|---|---|
| 1824[1] | 19 Füürsteden |
| 1848[2] | 241 Lüüd, 40 Hüüs |
| 1. Dezember 1910[3] | 309 |
| 1925[4] | 324 |
| 1933[4] | 324 |
| 1939[4] | 418 |
Religion
ännernHollenbeek is evangeelsch-luthersch präägt un höört to dat Kaspel von de Primus-Kark in Bargst.
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
Kultur
ännernSehenswürdigkeiten
ännernBlang' den Karkhoff steiht een Glockenturm, de jeden Middach Klock 12 und obends Klock 6 läuten deiht. De Glocke is een utrangierte Glocke vun de Bargster St.-Primus-Kark.
Vereenen
ännernDe Freewillige Füürwehr is 1935 grünnt worrn. 2002 het man ook een Fördervereen grünnt, vun denn sien Hülp man ünner annerem 2017 een neies Füürwehrauto anschaffen kunnt.
De Theatergrupp „De Patzköpp“ gifft dat siet 1970. Se speelt tomeist eenmol in’t Johr en Theaterstück op de Bühn in dat Döörpsgemeenschapshuus.
Heimatvereen „Rund üm dat Dörp" Hollenbeck, de in Anschluss an dat Dörpserneuerungsprogramm grünnt worrn is.
Weertschop un Infrastruktur
ännernVerkehr
ännernHollenbeek liggt an de Landsstraat 124, de in’n Noordoosten na Harsfeld un in’n Süüdwesten na Ohlers löppt. De Kreisstraat 77 geiht na Bargst. Lüttjere Straten gaht na Kokerbeek, Ohrensmoor un Griemshorst.
De nächste Autobahn is de Autobahn 26 (Afsnidd Stood–Hamborg). De Opfohrt 5 Hornborg liggt so 15 Kilometer in’n Noordoosten von Hollenbeek. De Autobahn 1 (Afsnidd Hamborg–Bremen) mit de Opfohrt 47 Zittens liggt so 17 Kilometer in’n Süden von’n Oort.
De nächste Bahnhoff is so bi dree Kilometer in’n Noordoosten de Bahnhoff Harsfeld an de Bahnlien Bremerhoben–Buxthu.
Wirtschaft
ännernIn Hollenbeek givt dat söß landwirtschaftliche Vullerwerbsbetriebe, üm 1960 würrn dat noch 35.
Scholen
ännernHollenbeek hett keen egen School, aver dat gifft en Kinnergoorn.
Lüüd
ännernDe Archäoloog Willi Wegewitz is 1898 in Hollenbeek geburn.
De Bankmanager Jürgen Fitschen is 1948 in Hollenbeek geburn un opwossen.
Footnoten
ännern- ↑ C. H. Jansen: Statistisches Handbuch des Königreichs Hannover. 1824, Sied 290: http://books.google.de/books?id=tG0AAAAAcAAJ&pg=PA290
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ a b c http://www.verwaltungsgeschichte.de/stade.html
Weblenken
ännern
Hollenbeek (Landkreis Stood). Mehr Biller, Videos oder Audiodateien to’t Thema gifft dat bi Wikimedia Commons.