Stoder Geest
De Stoder Geest (hoochdüütsch Stader Geest) is en Naturregion in dat Noorddüütsche Deepland. Se nimmt en groten Deel von dat Elv-Werser-Dreeeck twüschen de Städer Hamborg, Bremen un Cuxhoben in un warrt von de Naturregionen Elvmaschen, Wessermaschen, Wesser-Aller-Siedland un Lümbörger Heid begrenzt[1]. In de Nummernreeg von dat Bundsamt för Naturschutz driggt se de Nummer D27.
Dat Rebeed von de Stoder Geest höört to de Landkreise Oosterholt, Veern, Cuxhoben, Rodenborg un Stood, de fröher den Regerungsbezirk Stood billt hebbt, un to lüttjere Delen to de Städer Bremen un Bremerhoben.
Ünnerafdelen ännern
De Stoder Geest is ünnerdeelt in de Moränenrebeden Wersermünner Geest un Zevener Geest, de dör dat Hamm-Oost-Daal deelt sünd, un de Achem-Veerner Geest, de von’n Rest dör dat Wümm-Daal afdeelt is. [2]