Huay-Pix
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 1.649 (2010) | |
| Hööchd: | 10 m över de See | |
| Postleettall: | 77965 | |
| Vörwahl: | 983 | |
| Geograafsche Laag: | Koordinaten:18° 31′ N, 88° 25′ W18° 31′ N, 88° 25′ W | |
|
| ||
Huay-Pix is en Oort in dat Municipio Othón P. Blanco, Bundsstaat Quintana Roo, Mexiko. Stand 2010 harr de Oort 1649 Inwahners.
Geografie
ännernDe Oort liggt op de Halvinsel Yucatán an dat Över von’n Río Huay-Pix un de Laguna Milagros. De Río Huay-Pix münnt 4 km ünnerhalv von’n Oort in’n Río Hondo. Direkt op dat annere Över von’n Río Hondo liggt dat Land Belize.
De Öörd ümto sünd Bacalar in’n Noorden, Laguna Guerrero un Luis Echeverría Álvarez in’n Noordoosten, Calderitas un Chetumal in’n Oosten, Subteniente López un Santa Elena in’n Süüdoosten, Chan Chen in’n Süden, Juan Sarabia in’n Süüdwesten un Xul-Ha un Salamanca in’n Noordwesten.
Historie
ännernIn’n Oort un an’n See sünd Funnen ut de Maya-Tied maakt worrn. Later hebbt de Briten ut Brietsch-Honduras hier en Chiclero-Lager bedreven, dat White Water nöömt worrn is. Op Mayathan hett de Oort denn Wuayguata heten. Later is dor en Holtfäller-Lager von worrn, wat na en lokalen Heler sien hüdigen Naam kregen hett: Huay-Pix is Mayathan för „wo de Töverer/Geist de Ogen apen deit“ (huay „Töverer“, „Geist“, „magisch Wesen“, p’ix „Ogen apen doon“).
Weertschop un Infrastruktur
ännernDe nächste offizielle Grenzövergang na Belize liggt dicht bi Huay-Pix in Subteniente López/Santa Elena. Bi’n Oort is ok dat Industrierebeed Zona industrial de Chetumal. Wichtig is aver ok de Tourismus för’n Oort.
Verkehr
ännernHuay-Pix liggt an de MEX-186, de in’n Oosten na de Grootstadt Chetumal löppt un in’n Westen na Escárcega un de Westküst von Yucatán. In’n Noorden löppt de MEX-307 över Bacalar na Felipe Carrillo Puerto, Tulum un Cancún.
De nächste Flegerhaven is de Aeropuerto Internacional de Chetumal.
