Hydrolyys
De Hydrolyys (gr. υδωρ hydor „Water“ un λύσις, lýsis, „Lösen, Oplösen, To Enn Maken“) betekent dat Opslitten vun en cheemsche Verbinnen dör Reakschoon mit Water. Dorbi warrt en Waterstoffatom an dat ene „Spleetstück“ afgeven un de restliche Hydroxyl-Grupp an dat annere. De Ümkehr vun en Hydrolyys warrt as Kondensatschoonsreakschoon betekent.
En Bispeel is de Hydrolyys vun Nitrilen. Dorbi warrt Nitrilen dör Water to Carbonsüren un Ammoniak opsplitt oder to Carbonsüren un Ammonium.
Dör de Hydrolyys warrt vele Biomolekülen (t. B. Proteinen Disacchariden, Polysacchariden oder Fett) in’n Stoffwessel dör Enzymen in jemehr Bostenen (Monomeren) splitt. En wichtige Hydrolyys-Reakschoon is dat Splitten vun ATP to ADP un en Phosphatrest. Ut disse Reakschoon winnt Proteinen Energie för mechaansche Arbeit, Transportvörgäng usw.