Ida Lupino
Ida Lupino (* 4. Februar 1918 in London, England, Grootbritannien; † 3. August 1995 in Los Angeles, Kalifornien, USA) weer en britische Schauspelersche, Speelbaassche, Produzentin un Schrieversche.
.jpg)
Leven ännern
De Dochter vun den dormals bannig bekannten britischen Film- un Bühnenschauspeler Stanley Lupino stamm ut en Familie, de siet mehreren Generatschonen Schauspeler hervörbrocht harr. Ida Lupino geev hör Filmdebüt mit 15 in den Film Her First Affair, nahdem de Speelbaas Allan Dwan toeerst hör Moder, de Schauspelersche Connie Emerald, för de Rull hemm wull, sück denn aber för Ida entscheeden dee.
Nah eenig wiederen Filmen in England gung Ida Lupino 1933 sluutend nah Hollywood, wo se mit den Film Search for Beauty en Verdrag bi Paramount anfung. De nächsten Johren brochen hör aber blots wenig Ruhm un meestens kien ernsthafte Rullen. 1939 speel se neben Basil Rathbone un Nigel Bruce en Hööftrull in den Film Die Abenteuer des Sherlock Holmes un in dat glieker Johr kunn se ok as dramatische Schauspelerin up sück upmarksom maaken, as se in de Verfilmung vun The Light That Failed en harthartig un skrupelloos Fru speel. De Spood vun dissen Striepen broch hör en Verdrag mit Warner Bros. in, wo se nah un nah betere Rullen kreeg. So speel se 1940 tweemal an de Siet vun Humphrey Bogart, de ebenfalls kört vör sien endgültigen Dörbröök as Hollywood-Star stunn. Vun disse beid Filmen wurr insbesünnere Entscheidung in der Sierra, nah en Dreihbook vun John Huston, en respektabel Spood. In dat folgen Johr kreeg Ida Lupino för de Hööftrull in de Verfilmung vun den Broadwayerfolg Das Geheimnis der drei Schwestern good Kritiken. De Hööchtpunkt in hör Karriere keem 1943, as se in den Film The Hard Way de krankhaft ehrgeizig Süster vun Joan Leslie speel, de se mit hör unbedingten Willen to'n Erfolg in't Unglück stött. Ida Lupino wunn för disse Dorstellen den New York Film Critics Award as best wievlich Dorstellersche. Dennoch weer se faken untofräe mit de Rullen, de man hör anbeeden dee un se hett sück sülvst gern as „de Bette Davis vun den armen Mann“ beteekent.
1948 wurr Lupino amerikaansch Staatsbörgerin. 1949 stunn se eerstmals as Speelbaassche achter de Kamera, as Elmer Clifton, de Speelbaas vun hör Film Verführt, krank wurr un wenig later storven is. Hör eerst eegenständigen Film as Speelbaasche dreih se later in dat Johr 1949 mit dat sozialkritisch Drama The Young Lovers, för dat se ok dat Dreihbook schreeve un dat över RKO in den Verleeh keem. Neben Dorothy Arzner weer Ida Lupino een vun de eerst wievlich Speelbaasche in de Industrie. Lupino hett in de Folgetiet noch eenige, överweegend köstengünstig maakt Filme dreiht, de sück faken mit heiklen Themen as Vergewaltigung un Bigamie befaaten deen. Hör gröttst finanziellen Erfolg harr se 1966 mit de Kummedie The Trouble With Angels, de Hayley Mills un Rosalind Russell gemeensam vör de Kamera broch.
Lupino hett tosommen mit Dick Powell, David Niven un Charles Boyer de Produktschonsfirma Four Stars Production grünnd un hett in de Folgetiet tallloos Episoden för Feernsehserien inszeneert. Midden vun de 1950er Johren harr se en eegen Reeg ünner den Titel Mr. Adams and Eve.
In de 1970er Johren weer Lupino tweemal Gaststar in de Feernsehserie Columbo mit Peter Falk un harr en Upträe in den Bert I. Gordon sien Monster-Film Die Insel der Ungeheuer, in de se neben Marjoe Gortner gegen muteert Rötten kämpen muss.
Ida Lupino weer Moder vun en Dochter ut hör dart Ehe mit den Schauspeler Howard Duff, de se 1951 heiraadt hett un vun de se 1984 schett wurr. An Dickdarmkrebs krank wurrn, is se in' August 1995 nah en Slaganfall in hör Huus in Burbank, Kalifornien, storven.
Filmografie (Utwahl) ännern
| Johr | Titel | Synchroonsnacker |
|---|---|---|
| 1935 | La Fiesta de Santa Barbara (Körtfilm) | |
| 1935 | Peter Ibbetson | |
| 1937 | Artists & Models dt.: Künstlerball |
|
| 1939 | The Light That Failed | |
| 1939 | The Adventures of Sherlock Holmes (Film, 1339) dt.: Die Abenteuer des Sherlock Holmes |
Marion von Stengel (Synchro 1996) |
| 1939 | The Lone Wolf Spy Hunt | |
| 1940 | They Drive by Night dt.: Nachts unterwegs |
|
| 1941 | The Sea Wolf (Film, 1941) dt.: Der Seewolf |
|
| 1941 | High Sierra dt.: Entscheidung in der Sierra |
Viktoria Brahms |
| 1941 | Out oft he Fog) dt.: Ufer im Nebel |
Ursula Herwig (Synchro 1963) |
| 1941 | Ladies in Retirement dt.: Das Geheimnis der drei Schwestern |
|
| 1942 | Moontide dt.: Nacht im Hafen |
|
| 1943 | The Hard Way | |
| 1943 | Tank Your Lucky Stars | |
| 1946 | Devotion | |
| 1947 | Deep Valley dt.: Das tiefe Tal |
|
| 1949 | The Fountainhead dt.: Ein Mann wie Sprengstoff |
|
| 1955 | The Big Knife dt.: Hollywood-Story |
|
| 1956 | While the City Sleeps dt.: Die Bestie |
Hertha Kravina |
| 1971 | Junior Bonner | |
| 1975 | The Devil’s Rain dt.: Nachts, wenn die Leichen schreien |
|
| 1976 | The Food of The Gods dt.: Die Insel der Ungeheuer |
Inge Wolffberg |
