Inverleven
| Inverleven | |
|---|---|
| Land | Schottland |
| Region | Lowlands |
| Tyyp | Malt, Grain |
| Status | stillleggt un afreten (1991) |
| Besitter | |
| Grünnt | 1938 |
| Grünner | Hiram Walker & Sons |
| Waterborn | Loch Lomond |
| Washstill(s) | 1 |
| Spiritstill(s) | 1 |
| Produkschoonsvolumen | 3.000.000 l |
Inverleven weer en Whisky-Brenneree in Dumbarton, West Dunbartonshire, Schottland. Se hett tosamen mit de Brenneree Dumbarton, de intwüschen ok afreten is, den Whisky-Kumplex vun Dumbarton billt.
Historie
ännernInverleven is 1938 in’n Whiskykumplex vun Dumbarton boet worrn. Se bestünn ut en hooch Huus, dat an de Münnen vun’n Leven in’n Clyde stünn. To Anfang weer hier blots Grain-Whiskys maakt, later aver ok Malt-Whiskys. Bedreven weer de Destille vun George Ballantine & Son. Hier in de Brenneree Inverleven is de Lomond-Still utklamüstert un proovt worrn[1][2]. Anfang vun de 1990er Johren is de Anlaag stillleggt worrn. De Hüüs weern later afreten[1]. Se weern aver vörher noch vun de Royal Commission on the Acient and Historical Monuments of Scotland in Biller fasthollen. De Bogrund weer wiel dat Afrieten op archäoloogsche Funnen hen ünnersöcht[3].
Produkschoon
ännernDe Inverleven-Brenneree höör to dat schottische Whiskyrebeet Lowlands. Dat Water för de Produkschoon weer ut den Loch Lomond nahmen. För de Destilaatschoon geev dat in de Brenneree een wash still un een spirit still[1]. En offiziellen Inverleven-Whisky hett dat nie geven, man dat gifft en poor Affüllen vun unafhangige Affüllers[2]. De produzeerte Whisky weer aver meist vullstännig för Blends bruukt. Ünner annern weer de Inverleven en bedüden Bestanddeel vun den Ballantine’s[2].
Kiek ok
ännernBorns
ännern- ↑ a b c Beschrieven op Whiskiesofscotland.com
- ↑ a b c Beschrieben op Scotchwhisky.net
- ↑ Royal Commission on the Acient and Historical Monuments of Scotland
Koordinaten:55° 57′ N, 4° 34′ W