Jöödsch Autonom Oblast


(Flagg)	(Wapen)

Wahlspröök: keen Motto

Natschonalhymne:

Hööftstadt

Birobidschan
{{{BGR}}}° {{{BMIN}}}′ {{{NS}}}, {{{LGR}}}° {{{LMIN}}}′

Gröttste Stadt Birobidschan

Amtsspraak Russ'sch un Jiddisch

Regeren
Gouverneur Autonom Oblast vun Russland
Rostislaw Goldstein

Grünnen

7. Mai 1934

Grött
• Allens
• Water (%) 36.271 km²
41 %

Inwahnertall
• 2021 Tellt
• Inwahnerdicht 150.453
4,1/km²

Geldsoort Rubel (RUB)

BBP

1,35 Mrd. $ (2022)

18.000 $ je Kopp

Tietzoon Wladiwostoker Tied (UTC+10)

Internet-TLD

.ru

ISO 3166 RU-YEV

Vörwahl +7 426

De Jöödsch Autonom Oblast (russ'sch Еврейская автономная область Jewreiskaja awtonomnaja oblast; jiddisch ייִדישע אױטאָנאָמע געגנט jidische ojtonome gegnt) is en autonom Oblast vun Russland.

Historie

Dat Rebeet vun de hüüdig Oblast wurr 1644 vun Russland opdeckt un besiedelt. Mit den Bau vun de Transsibirisch Isenbahn in dat Jahr 1898 keemen noch mehr Inwahners darto.

Af den 28 März 1928 wurr de Rajon Biro-Bidschan to dat jöödsch Ansiedlungsrebeet un 20. August 1930 in Natschoonalrajon Biro-Bidschan umnömmt. In de Sowjetunion hett de Jöödsch Autonom Oblast an’n 7. Mai 1934 sien Naam kriegen. Dat eerste jöödsch Dörp in de Oblast weer Waldhejm.

Jöödsch Kolchos, 1930

Dat Projekt wurr vun Stalin start, üm de jöödsch Utwannern nah Palästina ophollen un Sibirien bevölkern to könen. De Joden schullen ok Angriepers afwehren.

Anfangs weern veel Joden un Kommunisten begeistert un de Partei plaant bet 1937 150.000 Joden in de Oblast ansiedeln. Faken sünd ok veel Siedlers ut dat Utland kamen, to’n Bispeel ut de USA un Litauen. De meisten Siedler sünd aver wegen de slecht Levensbedingungen trüggkehrt. Nah Stalin sien Dood 1953 hett de Partei hör Plaans mit dat sowjeetsch Zion opgeven. De meisten Joden sünd na Düütschland oder Israel utwannert un hüüd sünd bloot 0,9% vun de Inwahners jöödsch.

Geografie

De Oblast liggt in’n Föderatschoonskreis Fern Oosten un liggt an de Grenz to de Volksrepubliek China. De Stroom Amur]] billt de Grenz twischen de beden Staaten.

Inwahners

Joden weern, trotz den Naam vun de Oblast, nie in de Mehrheid un maakt opstunns bloot 0,9% vun de Inwahners ut.

Völkers in de Oblast

• Russen (90,7%)
• Ukrainers (2,8%)
• Joden (0,9%)
• Tatars (0,5%)
• Wittrussen (0,4%)
• Russlanddüütsche (0,14%)
• Mordwiners (0,1%)
• Ännere (4,4%)

Politik

Rostislaw Goldstein is siet'n August 2020 Gouverneur vun de Oblast.

Indelen

De Oblast is in 5 Rajonen un en Stadtkreis indeelt.

Rajonen vun de Oblast

Stadtkreisen

• Birobidschan (Hööftstadt)

Rajonen

• Rajon Birobidschanski
• Rajon Leninski
• Rajon Smidowitschski
• Rajon Oktjabrski
• Rajon Oblutschenski