Jacques-André-Joseph Camelot Aved

Jacques-André-Joseph Camelot Aved oder Avet (* 12. Januar 1702 in Douai, hüüd Region Nord-Pas-de-Calais; † 4. März 1766 in Paris) weer en vun de führend Porträtisten vun den franzöösch Rokoko, Kunstsammler un Kunsthändler.

Leven un Wark

Camelot Aved, ok „le Camelot“ oder „le Batave“ nömmt, wurr in dat fläämsch Douai as Söhn vun en Mediziner boren. Nah de fröh Dood vun sien Vader hett de Moder en nedderlannsch Offizier heiraadt un de Familie truck nah Amsterdam. Sien Utbillen kreeg he dor bi Boitard un Picart, af 1721 denn in Paris bi Alexis Simon Belle. Mit de sien Schölers Carle van Loo, François Boucher, Dumont le Romain un besünners Jean Siméon Chardin weer he befrüend. He entwickel dat Konzept vun dat „psychologisch Portrait“. 1731 wurr he free, 1734 vull Liddmaat vun de Académie royale de peinture et de sculpture; 1734 övernehm he dor de Funktschoon vun en Conseiller. 1759 hett sück Aved dat letzte Mal an en Salon bedeeligt.

Aved harr en bedüüdend Kunstsammlung, in de neben Warken vun sien franzöösch Tietgenossen ok öllere italieensch un vör allen ok nedderlannsch Meester vertreden weer. He weer ok as Kunsthändler tätig. Sien Sammlung wurr 1766 in Paris verstiegert.

Sien Biller befinnen sück hüüd in tallriek franzöösch Museen as den Louvre, dat Kunstmuseum Dijon, dat Kunstmuseum Nantes, dat Musée Condé in Chantilly, in dat J. Paul Getty Museum in Los Angeles, aber ok in de Nedderlannen.

Literatur

Georges Wildenstein: Le Peintre Aved. Sa vie et son oeuvre 1702–1766. 2 Bde., Paris: Les Beaux-Arts, 1922.
Allgemeines Künstlerlexikon Bd. 5, 1992, S. 717.

Weblenken

Jacques Aved. Mehr Biller, Videos oder Audiodateien to’t Thema gifft dat bi Wikimedia Commons.

DNB-Katalog
Indrag up artcyclopedia.com (engelsch)
Eintrag in de Datenbank Joconde (franzööösch)
Personennaamdatei