James Alan Robinson

James Alan Robinson (* 27. Februar 1960) is en britisch-amerikansch Politikwetenschapler un Ökonom an de University of Chicago. 2024 kreeg he gemeensam mit Daron Acemoglu un Simon Johnson den Alfred-Nobel-Gedächtnispries för Wertschaftswetenschapen „för Studien doröver, wu Institutschonen billd wurrn un den Wohlstand beinflooten“.

James A. Robinson, 2018

Leven

Van 1979 bit 1982 hett Robinson Weertschapswetenschapen an de London School of Economics studeert un hett mit en Bachelor of Science afslooten. Dor hett he sien langjohrigen Co-Autor Daron Acemoglu drapen. Van 1985 bit 1986 hett he an de University of Warwick sien Master of Arts maakt. Sien Ph.D. kreeg he 1993 vun de Yale University. Sien Dissertatschoon mit den Titel The Dynamic Enforcement of Implicit Labor Contracts under Asymmetric Information wurr vun Truman Fassett Bewley betrüet.

Van 1992 bit 1995 hett he as Lecturer an de University of Melbourne arbeit, af September 1995 weer he Assistant Professor för Wertschapswetenschapen an de University of Southern California. In‘n Juli 1999 wessel he as Assistant Professor för Politikwetenschapen an de University of California, Berkeley, in‘n Juli 2001 wurr he to’n Associate Professor befördert. Van Juli 2004 bit Juni 2009 weer he Professor of Government an de Harvard University, ansluutend wurr he to’n ordentlichen Perfesser beropen. Sien Lehrstohl in Harvard droog bit 2014 den Naam vun David Florence un bit 2015 den Naam vun Wilbur A. Cowett. In’n Juli 2015 wurr he to’n Universitätsperfesser an de Harris School of Public Policy Studies vun de University of Chicago beropen.

Robinson wurr 2012 in de American Academy of Arts and Sciences upnommen. All siet 2022 tell hüm de Medienkonzern Clarivate wegen de Tall vun de Zitatschonen to de Favoriten up en Nobelpries (Clarivate Citation Laureates).

He hett de US-amerikaansch Staatsbörgerschap annommen.

Arbeit

Robinson forscht to de politisch un wertschaplich Entwicklung un de Betrecken tüschen politisch Macht, Institutschonen un Wohlstand. He bruukt dorför sowohl sozialwetenschapliche Fallstudien, qualitative Forschung un Feldarbeit, as ok de mathematischen un quantitativen Methoden vun de Ökonomie. Sien tosommen mit Daron Acemoğlu un Simon Johnson herutbrocht Artikel The colonial origins of comparative development (AER, 2001) ünnersöcht de Oorsaken för Ünnerscheede in den Pro-Kopp-Inkommen vun verscheeden Länner. De vun de sülvig Schrievers in 2002 verapenlicht Artikel Reversal of Fortune: Geography and Institutions in the Making of the Modern World Income Distribution vertreet de Ansicht, dat schlechte institutschonelle Rahmenbedingungen den Hööftgrund för de Ünnerscheeden in’n Grad vun de wertschaplich Entwicklung tüschen verscheeden ehmalge Kolonien dorstellen. Robinson hett en besünner Intereresse an Latienamerika un Afrika un forsch ünner annern in Botswana, Chile, de Demokraatsche Republiek Kongo, Haiti, den Philippinen, Sierra Leone Süüdafrika un Kolumbien.

Gemeensam mit Daron Acemoglu hett he dree Böker schreven: Economic Origins of Dictatorship and Democracy (2006) analyseert dat Enstahn un Stabilität vun Demokratie un Diktatur. Warum Nationen scheitern (Originaltitel: Why Nations Fail, 2012) hemm de beid de Oorsaken för den wertschaplichen un politischen Spood oder Nichspood vun Staaten ünnersöcht. Dat Book Gleichgewicht der Macht (Originaltitel: The Narrow Corridor, 2019) befaat sück mit de fundamentalen Fraag: „Wie viel Staat muss sein?“. Anhand vun historsch un Bispeelen ut de Tiet begrünnen se, dat Wohlstand, Sekerheit un Freeheit vun den richtigen Rahmen afhängig is, in den de Kamp um Macht tüschen Staat un Sellschopp utdragen wurrd. Luut de Rezension vun Frank Decker in de FAZ setten Freeheit un Demokratie en starken Staat un en stark Sellschopp vörut. För Christoph Dorner in de SZ leefern se en „Grootvertellen“ to dat Gewaltenkontroll.

Böker

Why Nations Fail bi de Verleehn vun en Bookpries

• mit Daron Acemoglu: The Narrow Corridor: States, Societies, and the Fate of Liberty. Penguin Press, New York 2019, ISBN 978-0-7352-2438-4.
  • Gleichgewicht der Macht: Der ewige Kampf zwischen Staat und Gesellschaft. S. Fischer Verlag, Frankfurt am Main 2019, ISBN 978-3-10-397336-5.
• mit Emmanuel Akyeampong, Robert H. Bates, Nathan Nunn (Hrsg.): Africa's Development in Historical Perspective. Cambridge University Press, New York 2014, ISBN 978-1-107-69120-9.
• mit Daron Acemoglu: Why Nations Fail: The Origins of Power, Prosperity, and Poverty. Crown Business, 2012, ISBN 0-307-71921-9.
  • Warum Nationen scheitern: Die Ursprünge von Macht, Wohlstand und Armut (übersetzt von Bernd Rullkötter). S. Fischer Verlag, Frankfurt am Main 2013, ISBN 3-10-000546-5.
• mit Alice H. Amsden, Alisa DiCaprio (Hrsg.): The Role of Elites in Economic Development. Oxford University Press, New York 2012, ISBN 978-0-19-965903-6.
• mit Jared Diamond (Hrsg.): Natural Experiments of History. Harvard University Press, Cambridge MA 2010. ISBN 978-0-674-03557-7.
• mit Klaus Wiegandt (Hrsg.): Die Ursprünge der modernen Welt: Geschichte im wissenschaftlichen Vergleich. Fischer Taschenbuch Verlag, Frankfurt 2008, ISBN 978-3-596-17934-3.
• mit Miguel Urrutia (Hrsg.): Economía Colombiana del Siglo XX: Un Análisis Cuantitativo. Fondo de Cultura Económica, Bogotá und México D.F. 2007, ISBN 978-958-38-0139-6.
• mit Daron Acemoglu: Economic Origins of Dictatorship and Democracy. Cambridge University Press, Cambridge UK 2006, ISBN 0-521-67142-6.

Weblinks

James Robinson. Mehr Biller, Videos oder Audiodateien to’t Thema gifft dat bi Wikimedia Commons.

• James Robinson up de Website vun de University of Chicago Harris School of Public Policy
• Publikatschonen vun James Robinson bi RePEc