Jan Erik Bohling
Jan Erik Bohling (* 9. Juni 1963 in Bremerhoben) is en düütschen Politiker von de CDU. He weer Börgermeester von Meppen.
Bohling is in Bremerhoben boren, weer dor op de Grundschool un hett 1984 sien Abitur an dat Lloyd-Gymnasium maakt. Bohling hett denn sien Wehrdeenst bi de Luftwaffe maakt, toeerst in’t Luftwaffenausbildungsregiment von’n Flegerhorst Gosler, denn in Cuxhoben. Na disse Tied hett he Politikwetenschop an de Christian-Albrechts-Universität Kiel studeert. Dat Studium hett he 1994 mit en M. A. afslaten.
Von 1995 bet 2000 weer he Fackreferent för de Sellschop Gesundheit un Forschung in Frankfort an’n Main.[1] In de Tied weer he ok Referent för Apentlichkeitsarbeid för Fragen von de Biomedizin un Deerversöök[2] von de Max-Planck-Sellschop in Göttingen. Na de Tied weer he Büroleider von’n Börgermeester Georg Lewandowski in Kassel.
Bohling weer von 2001 bet 2006 Börgermeester von de Samtgemeen An’n Dobrook. De Wahl harr he mit 56,4 % wunnen. An’n 14. September 2006 is Bohling mit 54,11 % för en Amtstied von acht Johr as Nafolger von Heinz Jansen (CDU) as Börgermeester von de Stadt Meppen wählt worrn.[3]
In’n Neddersassischen Städtedag is he Vörstandsmaat un Maat von’n Utschuss för Recht, Personal un Organisatschoon.
Weblenken
ännern- Jan Erik Bohling op de Websteed von de Stadt Meppen (hoochdüütsch)
Footnoten
ännern- ↑ CDU schlägt Mitgliedern zwei Bewerber vor. Artikel von’n 16. November 2005 ut de Meppener Tagespost
- ↑ Animal labs fearfull over acivists’ plan to name names. Artikel von’n 19. April 2001 von Quirin Schiermeier un Alison Abbott in Nature #410, Utgaav 6831, Sied 6 (engelsch)
- ↑ Resultat von de Börgermeesterwahl in Meppen 2006