Samtgemeen An’n Dobrook

De Samtgemeen An’n Dobrook weer en Samtgemeen in’n Landkreis Cuxhoben, in de sik söven Gemenen för dat Afwickeln vun de Verwaltenssaken tohoopslaten harrn. Se hett von 1965 bet 2016 bestahn. De Sitt weer in Kumbarg.

Wapen/Flagg	Koort
Basisdaten
Sitt:	Kumbarg
Landkreis:	Cuxhoben
Flach:	178,11 km²
Inwahners:	11.808 (31. Dezember 2010)
Inwahnerdicht:	66,3 Inwahners pro km²
Geograafsche Laag:	53° 46′ N, 9° 3′ O
Gemeenslötel:	03 3 52 5401
Tall Gemenen:	7
SG-Börgermeester:	Bettina Gallinat
Websteed:	www.am-dobrock.de
Laag von Samtgemeen An’n Dobrook in’n Landkreis Cuxhoben (Koort lett sik anklicken)

Raadhuus in Kumbarg

Geografie

De Navers weren de Samtgemeen Noordkeden (Landkreis Stood) in’n Noordoosten, de Samtgemeen Hemmoor in’n Süüdoosten, de Samtgemeen Loomst in’n Süden un de Samtgemeen Land Hadeln in’n Westen. Op dat annere Över von de Elv is dat dat Amt Marn-Land (Kreis Dithmarschen, Sleswig-Holsteen).

Historie

De Samtgemeen An’n Dobrook is an’n 1. Juni 1965 ut de Gemenen Kumbarg, Wingst un Oppeln billt worrn. An’n 1. Januar 1970 sünd ok Bülkau un Öberndörp to de Samtgemeen mit tokamen un an’n 1. Januar 1972 de Gemenen Neehuus, Belen, Kedenbrook un Geversdörp. De Samtgemeen harr denn negen Gemenen. An’n 1. Juli 1972 is de Gemeen Oppeln Deel von de Gemeen Wingst worrn un Kedenbrook Deel von de Gemeen Belen. In de Samtgemeen weren nu noch söven Gemenen tohoopslaten.

To’n 1. November 2016 hett de Samtgemeen sik mit de ole Samtgemeen Land Hadeln to de ne’e, gröttere Samtgemeen Land Hadeln tohoopslaten.

Inwahnertall

Johr	1987	1992	1997	2002	2007	2008	2009	2010
Inwahners	12.300	12.395	12.462	12.432	12.141	12.074	11.952	11.808

(jümmer to’n 31. Dezember)

Politik

To de Samtgemeen hebbt disse söven Gemenen höört: Gemeen Belen Gemeen Bülkau Gemeen Kumbarg (Sitt vun de Verwalten) Gemeen Geversdörp Gemeen Neehuus Gemeen Öberndörp Gemeen Wingst

Samtgemeenraad

De Samtgemeenraad von de Gemeen bestünn blangen den Samtgemeenbörgermeester ut 28 wählte Raatsliddmaten (bet 2011: 30).

Partei	2006	2011
SPD	12	13
CDU	16	12
Bündnis 90/De Grönen	2	2
Fre’e Wählers	-	1

Samtgemeenbörgermeester

Börgermeester	Tied	Partei
Klaus Föge	9. Juni 1965–1. November 1996
Toni Fuchs	1. November 1996–31. Oktober 2001
Jan Erik Bohling	1. November 2001–31. Oktober 2006
Bettina Gallinat	1. November 2006–31. Oktober 2016	ahn Partei

Samtgemeendirekter

Samtgemeendirekter	Tied
Edgar Tiemann	1. Januar 1966–30. Juni 1996

De Dubbelspitz ut Samtgemeenbörgermeester un Samtgemeendirekter is 1996 oplööst worrn.

Wapen un Flagg

Dat Wapen wiest baven vörn op grönen Grund en sülvern Dann op en sieden sülvern Barg, baven achtern op sülvern Grund en rood Möhlenrad un ünnen in’n Schildfoot op blauen Grund twee gollen Haverohren mit je fiev Haverköörn.

Dat Wapen hett de Regerungspräsident von’n Regerungsbezirk Stood an’n 10. Januar 1966 genehmigt. De Dann stammt ut dat Wapen von de Wingst, dat Möhlenrad ut dat Wapen von Kumbarg un de Haver ut dat Wapen von Oppeln.

De Flagg von de fröhere Samtgemeen is baven gröön un ünnen swart un wiest in de Midd dat Wapen.

Partnerschoppen

De Samtgemeen hett 2005 en Partnerschop mit de Gemeen Witkowo in Polen slaten.

Weblenken

Samtgemeen An’n Dobrook. Mehr Biller, Videos oder Audiodateien to’t Thema gifft dat bi Wikimedia Commons.