Jana Novotná
Jana Novotná (* 2. Oktober 1968 in Brünn, Tschechoslowakei; † 19. November 2017 in Tschechien[1][2]) weer en tschechische Tennisspelerin. Se wunn neben 17 Grand-Slam-Titeln (1 Eenzel, 12 Düppel, 4 Mixed) in hör Profikarriere 23 Eenzel- un 64 Düppeltitel tup de WTA Tour.
Karriere
ännernHör gröttste Erfolge reck de 1,75 m groot Novotná up Belag, de dat Flinkspelen erloovt, ünner annern up de Rasenplätzen in Wimbledon.
Tonächst weer se blots as Düppelspelerin spoodriek, doch mit Hülp vun Hana Mandlíková, de sülvst veer Grand-Slam-Turniere winnen kunn, entwickel se sück to en spoodriek Eenzelspelerin.
Hör eerst Profisaison weer 1987, in dat Johr 1991 is se to’n eersten Mal as Eenzelspelerin spoodriek ween, as se bi de Australian Open Steffi Graf und Arantxa Sánchez Vicario slahn dee, ehe se in dat Finale gegen Monica Seles in dree Sätzen verlor.
In Wimbledon, wo se 1993 un 1997 all in dat Endspeel stahn harr, gelung hör 1998 mit en Endspeelsieg över Nathalie Tauziat hör eenzig Titelgewinn bi en Grand-Slam-Turnier in‘ Eenzel.
Besünnere Upmarksomkeit kreeg de as wenig nervenstark gellen Novotná, as se 1993 in dat Endspeel vun Wimbledon gegen Steffi Graf en 6:7-, 6:1- un 4:1-Vörsprung bi eegen Upslag nich to’n Turniersieg bringen kunn. Novotná harr Graf bit to dissen Tietpunkt meest so domineert as hör dat to pass keem; den Sieg vör Oogen hett se aber fortan ok lichte Bälle wiet in’t Ut slahn. Graf wunn an‘ Enn‘ mit 7:6, 1:6, 6:4. Bi de ansluuten Siegerehrung is Novotná in Traanen utbraaken un wurr vun de Hartogin vun Kent tröstend umarmt.[3]
Novotnás best Weltranglistennoteeren weer Platz 2 (dat weer an‘ 28. September 1997). 1998 harr se mit den Gewinn vun de US Open Weltranglisteneerste wurrn können; allerdings is se dor nich över dat Halffinale rutkommen. 1999 hett se hör Profikarriere afslooten.
Novotná is ok bi Olympisch Spelen antreeden. 1988 wunn se in Seoul tosommen mit Helena Suková de Sülvermedaille in‘ Düppel för de Tschechoslowakei; in‘t Finale verloren se gegen Zina Garrison un Pam Shriver. Acht Johr later in Atlanta verlor se mit Suková (beid nu för Tschechien startend) dat Finale gegen Gigi Fernández un Mary Joe Fernández. Neben de beid Sülvermedaillen wunn Novotná noch en Bronzemedaille in‘ Eenzel, de se sück 1996 in dat Speel um den darten Platz gegen Mary Joe Fernández sekern kunn.
1987 is se eerstmals för de tschechoslowaaksche Federation-Cup-Mannschap antreeden. Se hett insgesamt 45 Partien bestreeden, vun de se 33 winnen kunn. 1988 wunn se den Federation Cup.
2005 wurr Jana Novotná in de International Tennis Hall of Fame upnommen.
Se is an‘ 19. November 2017 an den Folgen vun en Krebserkrankung storven.[1]
Turniersiege
ännernEenzel
ännern| Nr. | Datum | Turnier | Kategorie | Belag | Finalgegnerin | Ergevnis |
|---|---|---|---|---|---|---|
| 1. | 4. Dezember 1988 | Adelaide | WTA Tier V | Hartplatz | Jana Pospíšilová | 7:5, 6:4 |
| 2. | 28. Mai 1989 | Straßburg | WTA Tier V | Sand | Patricia Tarabini | 6:1, 6:2 |
| 3. | 12. August 1990 | Albuquerque | WTA Tier IV | Hartplatz | Laura Gildemeister | 6:4, 6:4 |
| 4. | 13. Januar 1991 | Sydney | WTA Tier III | Hartplatz | Arantxa Sánchez Vicario | 6:4, 6:2 |
| 5. | 24. Februar 1991 | Oklahoma City | WTA Tier IV | Hartplatz (Hall) | Anne Smith | 3:6, 6:3, 6:2 |
| 6. | 14. Februar 1993 | Ōsaka | WTA Tier III | Teppich (Hall) | Kimiko Date | 6:3, 6:2 |
| 7. | 24. Oktober 1993 | Brighton | WTA Tier II | Teppich (Hall) | Anke Huber | 6:2, 6:4 |
| 8. | 2. Oktober 1994 | Leipzig | WTA Tier II | Teppich (Hall) | Mary Pierce | 7:5, 6:1 |
| 9. | 23. Oktober 1994 | Brighton | WTA Tier II | Teppich (Hall) | Helena Suková | 6:74, 6:3, 6:4 |
| 10. | 30. Oktober 1994 | Essen | WTA Tier II | Teppich (Hall) | Iva Majoli | 6:2, 6:4 |
| 11. | 26. Februar 1995 | Linz | WTA Tier III | Teppich (Hall) | Barbara Rittner | 6:76, 6:3, 6:4 |
| 12. | 25. Mai 1996 | Madrid | WTA Tier II | Sand | Magdalena Maleewa | 4:6, 6:4, 6:3 |
| 13. | 20. Oktober 1996 | Zürich | WTA Tier I | Teppich (Hall) | Martina Hingis | 6:2, 6:2 |
| 14. | 3. November 1996 | Chicago | WTA Tier II | Teppich (Hall) | Jennifer Capriati | 6:4, 3:6, 6:1 |
| 15. | 17. November 1996 | Philadelphia | WTA Tier II | Teppich (Hall) | Steffi Graf | 6:4, Upgaav |
| 16. | 24. Mai 1997 | Madrid | WTA Tier III | Sand | Monica Seles | 7:5, 6:1 |
| 17. | 28. September 1997 | Leipzig | WTA Tier II | Teppich (Hall) | Amanda Coetzer | 6:2, 4:6, 6:3 |
| 18. | 2. November 1997 | Moskau | WTA Tier I | Teppich (Hall) | Ai Sugiyama | 6:3, 6:4 |
| 19. | 23. November 1997 | Tour Championships | WTA Tour Championships | Teppich (Hall) | Mary Pierce | 7:6, 6:2, 6:3 |
| 20. | 1. März 1998 | Linz | WTA Tier II | Teppich (Hall) | Dominique Van Roost | 6:1, 7:62 |
| 21. | 20. Juni 1998 | Eastbourne | WTA Tier II | Rasen | Arantxa Sánchez Vicario | 6:1, 7:5 |
| 22. | 4. Juli 1998 | Wimbledon | Grand Slam | Rasen | Nathalie Tauziat | 6:4, 7:6 |
| 23. | 12. Juli 1998 | Prag | WTA Tier III | Sand | Nathalie Tauziat | 6:3, 6:0 |
| 24. | 21. Februar 1999 | Hannover | WTA Tier II | Teppich (Hall) | Venus Williams | 6:4, 6:4 |
Düppel
ännern.svg){kind=small}
Literatur
ännern- Volker Kluge: Olympische Sommerspiele. Die Chronik IV. Berlin 2002, ISBN 3-328-00830-6
Weblenken
ännern
Enkeld Nahwiesen
ännern- ↑ a b Ben Burrows: Jana Novotna dead: Former Wimbledon champion dies aged 49. In: independent.co.uk, 20. November 2017, afropen an den sülvigen Dag
- ↑ [1] Tennis world mourns the passing of Jana Novotna (engelsch), wtatennis.com van’ 20. November 2017, afropen an den sülvigen Dag
- ↑ [2] A tennis life like no other: Remembering Jana Novotna (engelsch); tatennis.com van‘ 20. November 2017, afropen an den sülvigen Dag