William Paul Gottlieb

(wiederwiest vun William P. Gottlieb)

William Paul Gottlieb (* 28. Januar 1917 in Brooklyn, New York, NY; † 23. April 2006 ok dor) weer en US-amerikaansch Fotograf. He wurr bekannt dör sien Upnahmen vun Jazzmusikern.

Gottlieb bi den Radiosenner WINX, Washington, D.C., um 1940
Foto: Delia Potofsky Gottlieb

Biographie ännern

 
Jimmie Lunceford, William Gottlieb, Gene Krupa, um 1940

Gottlieb prääg in sien blots lütt Schaffensperiood van 1939 bit 1948, in de ‚golden Tiet‘ vun den Swing un dat entstahn vun den Bebop, mit sien Fotos de visuelle Ästhetik vun den Jazz. He hett tonächst af 1938 för de Washington Post arbeit (in de he jede Week en Jazz-Kolumne harr), un in den 1940er Johren för de Tietschrift Down Beat, för de he ebenfalls nich blots Fotos bistüern dee, sonnern ok schreev. Neben Down Beat schreev he för Record Changer, Saturday Review un Collier´s Magazine. To sien bekanntst Upnahmen tellen ünner annern Porträts vun Ella Fitzgerald, Billie Holiday un Charlie Parker. Nah 1948 hett Gottlieb as Filmautor un -produzent för Schoolfilms. Dorneben hett he tallriek Böker, ünner annern Kinnerböker, schreeven.

An' 16. Februar 2010 hett de Library of Congress mehrere hunnert vun sien Upnahmen vun Jazz-Musikern apenlich togänglich maakt.

Biller ännern

Literatur ännern

  • William Gottlieb: The golden age of Jazz. Texts and photographs. New York, Simon and Schuster 1979; San Francisco, Pomegranate Artbooks 1995, ISBN 978-0-87654-355-9.
  • William P. Gottlieb & Jean-Pierre Leloir: Jazz: Dedicated to Cool Cats. Tokyo, G. I. P., 1991

Weblenken ännern

  Category:Photographs by William P. Gottlieb. Mehr Biller, Videos oder Audiodateien to’t Thema gifft dat bi Wikimedia Commons.