Joachim Bordt
Joachim Bordt (* 20. Mai 1947 in Lümborg) is en düütschen Kommunalpolitiker von de FDP.
Bordt is 1955 in Lümborg boren un hett na sien Abitur in Lümborg Juristeree an de Universität Hamborg studeert. Dor hett he dat Eerste Staatsexamen maakt.
Von 1973 bet Enn 1975 weer Bordt Referendar in’n Bezirk von dat Böverlandsgericht Celle un hett dat mit dat Twete Staatsexamen afslaten.
He weer denn Jurist bi en Rechtsschutzversekerung un bi de Bundsagentur för Arbeid in Ülzen.
Bordt hett an’n 1. Oktober 1977 bi’n Landkreis Horborg anfungen. Toeerst weer he bet 1979 Baas von’t Rechtsamt. 1983 weer he Dezernent mit verschedene Opgaven, von 1990 bet 1997 weer he Baas von dat Sozialdezernat un von 1998 af an von’n Fachbereich Ümwelt, de 2000 to’n Fachbereich Boon un Ümwelt worrn is.
An’n 25. September 2003 is he as Eersten Kreisraad wählt worrn. Nadem Landraad Axel Gedaschko as Staatsraad na Hamborg gahn is, hett Bordt von Januar 2006 bet to de Landraadswahl an’n 10. September 2006 as Vertreder de Opgaven von’n Landraad övernahmen.
An’n 10. September 2006 is Bordt mit en Mehrheit von 62,6 % von de Stimmen för en Tied von acht Johr as hauptamtlichen Landraad von’n Landkreis Horborg wählt worrn.
Sien Amtstied hett an’n 15. September 2006 anfungen, nadem de Kreiswahlutschuss dat amtliche Endergeevnis faststellt hett. An’n 25. Mai 2014 is Rainer Rempe as sien Nafolger wählt worrn. He övernimmt dat Amt to’n 15. September 2014. Bordt geiht denn in Rohstand.
Weblenken
ännern- Infos to Bordt op de Websteed von’n Landkreis Horborg (hoochdüütsch)