Rainer Rempe
Rainer Rempe (* 6. Juni 1962 in Cloppenborg) is en düütschen Politiker von de CDU.
Rempe is 1962 in Cloppenborg boren un dor von 1968 bet 1981 na School gahn. 1981 hett he sien Abitur maakt. Von 1982 bet 1992 hett he Juristeree an de Universität Ossenbrügge studeert un weer denn Referendar an dat Böverlandsgericht Ollnborg.
Von 1992 bet 1997 weer Rempe in dat Rechtsamt von’n Landkreis Horborg un Dezernent för Organisatschoon un Personal bi de Bezirksregerung Lümborg. Von 1997 bet 2000 weer he Projektleiter för en Reform von de Kreisverwaltung. Von 2000 af an weer Rempe tostännig för de Strategische Stüerung för effiziente un börgerorienteerte Verwaltungsstrukturen.
Von 2004 bet 2007 is he Kreisraad in’n Landkreis Horborg ween. 2007 is he denn Eersten Kreisraad worrn.
An’n 25. Mai 2014 is Rempe as Nafolger von Joachim Bordt to’n Landraad von’n Landkreis Horborg wählt worrn un schall dat Amt an’n 15. September 2014 övernehmen.
He is verheiraadt, hett twee Kinner un leevt in Bossel.
Weblenken
ännern- Rempe sien Websteed (hoochdüütsch)