Johannes Höppner

düütschen Verwaltungsbeamten

Johannes Höppner (* 1945 in Rostock) is en düütschen Verwaltungsbeamten.

Höppner is 1945 in Rostock boren un hett denn lang en Internat in St. Peter Ording besöcht. Na dat Abitur hett he Juristeree an de Universität Göttingen studeert un hett sien eerst Staatsexamen bi’n Neddersassischen Justizminister in Hannover un 1976 dat twete Staatsexamen maakt. He is Amtsleiter bi de Stadt Bruunswiek ween un denn persönlichen Referent för den Viez-Ministerpräsident un Bevullmächtigten bi’n Bund, Wilfried Hasselmann. 1979 hett he sien Dokter maakt mit en Dokterarbeid över dat Thema Die verfassungsrechtliche Zulässigkeit der Durchführung von völkerrechtlichen Verträgen mittels Verordnungsermächtigungen. He is 1981 Vertreder von Böverkreisdirekter Jürgen H. Th. Prieß worrn. 1992 is he denn Böverkreisdirekter von’n Landkreis Cuxhoben worrn. He is dat bet to’n 31. Januar 2004 bleven. 2004 weer dat Enn von de Tweegleisigkeit un dat Amt von’n Böverkreisdirekter hett dat nich mehr geven. De Opgaven hett de Landraad övernahmen. Dat is 2004 Kai-Uwe Bielefeld worrn.

Höppner is ok Vörsitter von’n Cuxhobener Weertschopsraad. Bet 2003 weer he in’n Vörstand von’n Neddersassischen Spoorkassen- un Giroverband.

Höppner is verheiraadt mit siene Fro Ingrid. De beiden hebbt een Söhn. Nadem se 1981 na’n Landkreis Cuxhoben kamen sünd, hebbt se toeerst in Oterndörp leevt, nu leevt se in Holt-Spangen.

Warken ännern

  • Die verfassungsrechtliche Zulässigkeit der Durchführung von völkerrechtlichen Verträgen mittels Verordnungsermächtigungen. 1979