John Francis Clauser
John Francis Clauser (* 1. Dezember 1942 in Pasadena, Kalifornien)[1] is en US-amerikaansch Experimentalphysiker, de sück mit Grundlagen vun de Quantenmechanik befaat. In dat Johr 2022 wurr hüm de Nobelpries för Physik gemeensam mit Alain Aspect un Anton Zeilinger för den Nahwies, dat Korrelatschonen tüschen Quantenobjekten starker ween könnt as de Bell-Unglieken erloovt un de dordör mögelken Experimente mit verschränkten Photonen un de Grundlagen vun de Quanteninformatschoon, tospraken.[2]
Leven ännern
Clauser is de Söhn vun en Perfesser för Floogtüüchbau (Francis Hettinger Clauser, 1913–2013) an dat Caltech un hett an dat Caltech (Bachelor 1964) un an de Columbia University studeert, wo he 1966 sien Master-Afsluss maakt un 1969 bi Patrick Thaddeus över dat Meeten vun den Kosmischen Mikrowellenhintergrund sien Doktertitel maakt hett. Dornah weer he bit 1975 an dat Lawrence Berkeley National Laboratory un 1975 bit 1986 an dat Lawrence Livermore National Laboratory. Ansluutend weer he as Forschungsphysiker an de University of California, Berkeley.
In en grundleggend Experiment hett he mit Stuart Jay Freedman[3] de Bellsche Unglieken test, de se tovör to de CHSH-Unglieken (Clauser, Michael Horne, Abner Eliezer Shimony un Richard Holt 1969) verallgemeenert harrn.[4] Dat weer de eerste Beobachtung vun en Quantenverschränkung un dat eerste Experiment, dat de Verletzung vun de Bell-Unglieken wies (un dormit de Quantenmechanik bestätigen dee). Dornah hett he sück mit Atom-Interferometern befaat.
He hett sück ok mit den Insluss vun Plasmen mit magnetischen Spegeln (Magnetisch Buddel) befaat.
2010 kreeg he mit Alain Aspect un Anton Zeilinger den Wolf-Pries in Physik, un 2022 ebenfalls gemeensam mit disse beid Forschern den Nobelpries för Physik.
Weblinks ännern
John Francis Clauser. Mehr Biller, Videos oder Audiodateien to’t Thema gifft dat bi Wikimedia Commons.
- John F. Clauser In: Physics History Network. American Institute of Physics (engelsch)
- John F. Clauser, Wolf Prize Laureate in Physics 2010. In: wolffund.org.il. (engelsch, hebrääsch).
- Oral History Interview
- Indrag bi WorldCat
Enkeld Nahwiesen ännern
- ↑ Geborts- un Karrieredaten American Men and Women of Science, Thomson Gale 2004
- ↑ Esther Megbel: So lief die Verleihung des Physik-Nobelpreises. In: spektrum.de. 4. Oktober 2022, afropen an’n 5. Oktober 2022.
- ↑ Stuart J. Freedman, Clauser: Experimental test of local hidden variable theories. In: Physical Review Letters. Band 28, 1972, S. 938. Nah de Erinnerungen vun Clauser wurrn disse Aard vun Experimenten dormals bannig kritisch upnommen un blots de Ünnerstütten dör Charles Hard Townes hett de Dörführen in Berkeley mögelk maakt.
- ↑ Clauser, Michael Horne, Abner Shimony, Richard Holt: Proposed experiment to test local hidden variable theories. In: Physical Review Letters. Band 23, 1969, S. 880. Clauser, Horne: Experimental consequences of objective local theories. In: Physical Review D. Band 10, 1974, S. 526