John Nettles
John Vivian Drummond Nettles, OBE (* 11. Oktober 1943 in St. Austell, Cornwall, England) is en britisch Schauspeler. He speel Feernseh- as ok Theaterrullen un is hööftsächlich dör sien Dorstellen vun de Titelrullen in de Polizeireegen Bergerac un Midsomer Murders bekannt.
Leven un Wark
ännernAs Kind wurr he vun Eric un Elsie Nettles adopteert un wuss in St. Austell, Cornwall, up. 1962 fung he en Studium vun Geschichte un de Philosophie an de University of Southampton an. An de Universität keem he in Kuntakt mit de Schauspeleree un fung mit dat Theaterspelen an. In de 1970er Johren kreeg he eerste Rullen in't Feernsehn.
1981 kreeg he de Rull, de hüm bekannt maken sull: In de 87-deelig, up de Kanalinsel Jersey ansiedelt Polizeiserie speel he den Ermittler Jim Bergerac. De Serie wurr en Riesenspood mit bit to 10 Millionen Feernsehtokierks. Ünner den Titel „Jim Bergerac ermittelt“ wurrn 74 Folgen vun den Senner DDR1 utstrahlt un ok vun de ARD, RTL, VOX un anner Senner övernommen. Nah dat Enn' vun Bergerac weer Nettles af 1991 för fiev Speeltieden Ensembleliddmaat vun de Royal Shakespeare Company.
Van 1997 bit 2011 speel John Nettles de Rull vun den Detective Chief Inspector Tom Barnaby in de britisch Krimiserie Inspector Barnaby (Midsomer Murders). Dordör wurr he noch bekannter, ok buterhalv vun dat Vereenigte Königriek. De Serie wurr in völ Länner, ünner annern in de USA, nah Spanien, in de Nedderlannen, nah Australien un ok nah Düütschland verköfft. 2002 speel Nettles in de bitlang letzt Verfilmung vun Sir Arthur Conan Doyle sien Roman The Hound of the Baskervilles den ansehn Dokter Dr. James Mortimer, de Sherlock Holmes (dorstellt vun Richard Roxburgh) upsöcht un hüm um Hülp beden deiht.
Filmografie (Utwahl)
ännern| Johr | Titel | Synchroonsnacker |
|---|---|---|
| 1970 | One More Time dt.: Die Pechvögel |
|
| 1971-72 | A Family at War, Feernsehreeg | |
| 1972-76 | The Liver Birds, Feernsehreeg | |
| 1991 | Noel’s Christmas Presents, Feernsehn | |
| 1981-91 | Bergerac, Feernsehreeg dt.: Jim Bergerac ermittelt |
Michael Telloke |
| 1995 | All Men Are Mortal | |
| 2002 | The Hound of the Baskervilles, Feernsehn dt.: Der Hund von Baskervilles |
Eberhard Mellies |
| 1997-2011 | Midsomer Murders, Feernsehreeg dt.: Inspector Barnaby |
Norbert Langer |
Theater
ännern- The Winter’s Tale: Leontes; Regie: Adrian Noble; Royal Shakespeare Company 1992
- The Merry Wives of Windsor: George Page; Regie: David Thacker; Royal Shakespeare Company 1992
- The Tragedy of Julius Caesar: Marcus Brutus; Regie: Sir Peter Hall; Royal Shakespeare Company 1995
- The Tragedy of King Richard the Third: Duke of Buckingham; Regie: Steven Pimlott; Royal Shakespeare Company 1995
- The Devil is An Ass von Ben Jonson: Merecraft; Regie: Matthew Warchus; Royal Shakespeare Company 1995
Utteknungen
ännern- 1982: Radio Actor of the Year
- 1985: Personality of the Year (Variety Club of Great Britain's BBC )
- 2010: OBE Order of the British Empire