Junior Mance

Junior Mance (eegentlich Julian Clifford Mance Jr.; * 10. Oktober 1928 in Chicago; † 16. Januar 2021) weer en US-amerikaansch Jazz-Pianist un -Komponist.

Junior Mance in 1980

Leven un Wark

All as Kind wurr Junior Mance vun sien Vader, en Stride un Boogie-woogie-Pianist, ünnerricht. Während sien Schooltiet fung he an professionell to spelen. He hett twee Johr dat Roosevelt College in Chicago besöcht, is aber 1947 afgahn, um in Gene Ammons´ Band to spelen, wo denn sien musikalisch Karriere anfung. Mance speel in Ammons' Band bit 1949. Buterdem hett he een Johr mit Lester Young (1948/49) arbeit, um denn aber weer bi Ammons to spelen, bevör he 1951 in de U.S. Army Intrucken wurr. He speel in de 36th Army Band in Fort Knox, Kentucky, wo he mit Cannonball Adderley, Nat Adderley, un Curtis Fuller Deenst harr.

Nahdem he 1953 ut de Army weer entlaaten wurrn weer, hett Mance as Sideman mit Musikers as Dinah Washington (1954/55), Cannonball Adderley, un Dizzy Gillespie (1958/59), bevör he sien eerst Album as Bandleader upnehm und 1961 sien eegen Trio upmakt hett (gemeensam mit Larry Gales (Bass) un Ben Riley (Slagtüüch)). 1964 speel he in en Trio mit den Bassisten Ron Carter un den Slagtüüchspeler Mickey Roker. Intüschen hett Mance över dartig Alben för Jazzlabel as Verve, Jazzland, Riverside, Capitol, Atlantic, Milestone, Polydor, Inner City, JSP, Nilva, Sackville, Bee Hive, and un annern upnommen.

Siet 1988 weer Junior Mance Liddmaat vun de Fakultät vun dat Jazz and Contemporary Music Program bi de New School University in New York City.

Ehrungen

1997 wurr Junior Mance in de International Jazz Hall of Fame upnommen.

Diskographie (Utwahl)

• 1961 - Live At The Village Vanguard (OJC)
• 1980 - Smokey Blues (JSP)
• 1994 - Softly As In The Morning Sunrise (Enja)
• 1995 - Floating Jazz Festival Trio (Chiaroscuro) mit Benny Golson
• 1996 - Live At The 1996 Floating Jazz Festival - The Music Of Duke Ellington (Chiaroscuro)

Literatur

• Richard Cook & Brian Morton: The Penguin Guide to Jazz on CD, 6th Edition, London, Penguin, 2002 ISBN 0-14-017949-6.
• Martin Kunzler: Jazzlexikon, Reinbek, Rowohlt, 1993

Weblenken

• Junior Mance Homepage
• Audio Interview mit Junior Mance (1. Dezember 2002) bi Yehoodi.com
• R.L. Doerschuk and B. Kernfeld, 'Mance, Junior', Grove Music Online , ed. L. Macy (15. Juni 2007)