Jurjen van der Kooi

Jurjen van der Kooi (* 22. Dezember 1943 in Hurdegaryp, † 4. September 2018 in Drachten) was een westfreeschen Universitätsdozent un Volkskünnigen. He gellt för enen Fackmann för Volkssagen uut Westfreesland, Noordnedderland un Delen van Noorddüütschland so as Oost- un Noordfreesland.

Leven un Karriere

Van der Kooi is 1943 in dat westfreesche Hurdegaryp boren. He studeer Literatuurwetenschop un was sied siene Penschoon 2004 Dozent un associate professor för Volkskunne un orale Literatuur an de Rieksuniversität Grönnen. Sien Swaarpunkt weren Volkssagen uut Noordnedderland, Oostnedderland un Delen van Noorddüütschland.

He kreeg siene Promotschoon 1984 mit dat Thema Volksverhalen in Friesland: Lectuur en Mondelinge Overlevering. De zentrale Thees in de Promotschoon is dat Volkssagen nich Jaarhunnerde lang mündlich överlevert worrn sind, man faken schreven un as Book ruutbrocht Sagen uut dat 19. Jhd. weddergeevt. 1997 kreeg he den Europäischen Märchenpreis un 2004 van de Ostfreesche Landschop dat Totius Frisiae Segel för sien Wark.

Anners as to’n Bispeel Dam Jaarsma un Ype Poortinga toog Van der Kooi daar nich mit enen Toobandapparaat up uut egenhännig Volkssagen uptoteken, man studeer Volkssagen, de al uptekend un ruutbrocht weren. Sien wichtigst Wark was daar bi, dat Sammeln un Kategoriseren van Volkssagen, Riemen un Seggwiesen uut Noordnedderland, Oostfreesland un Noordfreesland. Van de Kooi bekeek Volkssagen as Stück Kultuur, dat heel de Sellschop tohöört, un uut dat ook aflesen warrn kann woans Minschen in ölleren Tieden leven.

Van de Kooi brochte tallrieke Publikatschonen ruut so as De Nachtmerje fan Rawier, wo he verscheden westfreesche Sagen över’t Övernatüürliche in sammelt het, De Wiete Poes, wo he tohoop mit Douwe Kootstra ene Reeg spökenhaftig Volkssagen in versammel, de in den meisten anner Böker nich binnen staat. In dat Handboek Nedersaksische Taal- en Letterkunde schreev he dat Kapitel över orale Literatuur in Oostnedderland. Van der Kooi is 2018 in Drachten mit 74 Jaren dood bleven.

Wark

• 1984 – Volksverhalen in Friesland: Lectuur en Mondelinge Overlevering
• 1990 – Friesische Märchen (it B.A. Gezelle Meerburg)
• 1997 – Untank Is it Lean fan 'e Wrâld: Folksferhalen op Rym
• 2000 – De Nachtmerje fan Rawier
• 2007 – Alle Beetjes Helpen: Nederlandse, Friese en Vlaamse Wellerismen (mit H.L. Cox e.o.)
• 2011 – De Herder Is Myn Redder
• 2017 – De Wiete Poes (mit Douwe Kootstra)

Borns

• Meindert_Schroor (Ruutgever): Nieuwe Encyclopedie van Fryslân, Bornmeer: De Gordyk/Liwadden 2016
• ――, Volksverhalenexpert Van der Kooi overleden, In: de Ljouwerter Krante, 10. September 2018, S. 28.