Justus Hüpeden

Justus Friedrich Wilhelm Hüpeden (* 19. Juni 1757 in Heien; † 1831 in Eemissen) weer en düütschen Verwaltungsbeamten.

Hüpeden is 1757 as Söhn von Eleonore Wilhelmine Justine, borene Schlemm († 27. Juli 1789), un Johann Wilhelm Hüpeden (28. September 1723-1. Februar 1782) in Heien boren un dor an’n 20. Juni döfft worrn. Sien Broder weer Georg Erich Hüpeden. He hett 1776 en Studium an de Universität Rinteln anfungen un is 1777 an de Universität Göttingen wesselt. 1779 is he Auditer bi dat Amt Springe worrn un 1780 na dat Amt Grohnde gahn. 1783 is he Amtsschriever för de Ämter Syke un Mauringen worrn. 1789 is he in dat Amt Wustrow wesselt un 1791 in dat Gogericht Achem. Toletzt weer he bet 1803 Amtsschriever bi dat Amt Zeven un is dor in dat Johr denn Amtmann worrn.

Na de Franzosentied weer he von 1814 af an Amtmann von dat Amt Reten. En poor Johr vör sien Dood is he in Rohstand gahn.