Kalpana Dash

Kalpana Dash (* 7. Juli 1966; † 23. Mai 2019) weer en indische Afkaat un Bargstiegerin. Se weer de eerste Bargstieger vun de Oriya-Spraakgrupp, de den Mount Everest besteegen hett. Dat weer an’n 21. Mai 2008, gemeensam mit en Team vun 5 Bargstiegers ut den USA, Kanada un Nepal. Twee vörherige Versöök vun hör in 2004 un 2006 sünd wegen schlecht Weer un gesundheitlich Problemen scheef gahn. Bekannt weer se dorför, dat se hör Bargstiegertouren faken mit en Sari bestreeden hett.

Dood

An’n 23. Mai 2019 hett se tosommen mit de beid Fruen Kanchhi Maya Tamang ut Nepal un Liyamu Ma ut China weer den Mount Everest besteegen, is denn bi den Afstieg aber krank wurrn un storven.^[1]

Expeditschonen

Denali: 2010 (nich spoodriek)
Kilimandscharo: 9. Oktober 2014 (ahn tosätzlich Suerstoff)
Aconcagua: 16. Januar 2015 (ahn tosätzlich Suerstoff)
Elbrus: 31. Juli 2015 (ahn tosätzlich Suerstoff)
Mount Kosciuszko: 3. Dezember 2015 (ahn tosätzlich Suerstoff un in’n Sari, wat en Rekord weer)

Weblenken

Enkeld Nahwiesen

↑ Odisha Mountaineer Kalpana Dash Dies On Mt Everest Doodsnahricht (engelsch), afropen an’n 24. Mai 2019

[1] Odisha Mountaineer Kalpana Dash Dies On Mt Everest Doodsnahricht (engelsch), afropen an’n 24. Mai 2019

[1]