Kanton Lümborg
De Kanton Lümborg weer as Kanton en Verwaltungsrebeed in de Franzosentied (1810-1813). De Seet weer Lümborg.
Historie
ännernDat Rebeed hett vörher to dat Förstendom Lümborg (Kurförstendom Hannover) höört un dor de Stadt Lümborg billt.
An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.
Binnen Westfalen weer de Kanton Lümborg een von de Kantons in’n Distrikt Lümborg von dat Departement von de Nedderelv. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Lümborg weer nu een von de acht Kantons, ut de de Distrikt Lümborg in dat Departement von de Elvmünnen tohoopsett weer.
1813/1814 sünd de Franzosen slahn un dat Rebeed befreet worrn. Dat Kurförstendom Hannover is denn wedder herstellt worrn un de ole Stand von vör 1810 wedder dor.
De Kanton harr 10.039 Inwahners[1] un weer nich wieder indeelt in Mairien.
Footnoten
ännern- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 54
Lümborg | Medingen | Bienbüddel | Ülzen | Ebstörp | Ollenstadt | Bondiek | Bargen | Clenze | Hitzacker | Dannenbarg | Bleikd | Scharnbeek | Bewick | Addelborg
