Kanton Bewick
De Kanton Bewick weer as Kanton en Verwaltungsrebeed in de Franzosentied (1810-1813). De Seet weer Bewick.
Historie
ännernDat Rebeed hett vörher to dat Förstendom Lümborg (Kurförstendom Hannover) höört un hett dor to de Ämter Winsen un Scharnbeek-Bütel un dat Gericht Övermeschacht tohöört. En Deel hett ok to dat Amt Loonborg in dat Hartogdom Sassen-Loonborg höört.
An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.
Binnen Westfalen weer de Kanton Bewick een von de Kantons in’n Distrikt Lümborg von dat Departement von de Nedderelv. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Bewick weer nu een von de acht Kantons, ut de de Distrikt Lümborg in dat Departement von de Elvmünnen tohoopsett weer.
1813/1814 sünd de Franzosen slahn un dat Rebeed befreet worrn. Dat Kurförstendom Hannover is denn wedder herstellt worrn un de ole Stand von vör 1810 wedder dor.
De Kanton harr 11.257 Inwahners[1] un weer indeelt in fiev Mairien:
Footnoten
ännern- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 57
Lümborg | Medingen | Bienbüddel | Ülzen | Ebstörp | Ollenstadt | Bondiek | Bargen | Clenze | Hitzacker | Dannenbarg | Bleikd | Scharnbeek | Bewick | Addelborg
