Klaus Wichmann
Klaus Wichmann (* 1964) is en düütschen Politiker von de AfD.
Wichmann is 1964 boren un hett na dat Abitur Juristeree studeert. Na dat Studium weer he as Avkaat in Neddersassen aktiv. Von de Kommunalwahlen 2016 bet Harvst 2017 weer he Afornten för de AfD in’n Kreisdag von’n Landkreis Veern. Bi de Landdagswahl in Neddersassen 2017 weer he Direktkannedaat von de AfD in’n Wahlkreis Oosterholt. He hett 6,0 % von de Eerststimmen kregen. Dormit is he nich as Direktkannedaat wählt worrn. Över de Landslist von de AfD is he liekers in’n Landdag von Neddersassen intagen un siet 14. November 2017 Afornten.
Wichmann leevt in Veern.[1] He is verheiraadt un hett een Kind.