Lüttjen Freenbeek
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21717 | |
| Vörwahl: | 04149 | |
| Geograafsche Laag: | Koordinaten:53° 31′ N, 9° 24′ O53° 31′ N, 9° 24′ O | |
|
| ||
Lüttjen Freenbeek (hoochdüütsch Klein Fredenbeck) weer fröher en sülvsstännig Dörp un is vondaag mit Groot Freenbeek to Freenbeek tohoopwussen. Dat liggt in de Gemeen Freenbeek in’n Landkreis Stood, Neddersassen.
Geografie
ännernIn’n Noorden löppt de Swing an Lüttjen Freenbeek langs.
De Naveröörd sünd Hagen in’n Noordoosten, Groot Freenbeek un Deinst in’n Oosten, Wehl in’n Süden, Kutenhult un Mulsen in’n Süüdwesten un Hogenoh un Swing in’n Noordwesten.
Historie
ännernLüttjen Freenbeek hett bet 1852 to de Böörd Mulsen in dat Amt Harsfeld tohöört. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 weer dat in’n Kreis Stood un von 1932 af an in’n hüdigen Landkreis Stood.
De Gemeen Lüttjen Freenbeek hett von 1965 bet 1972 to de Samtgemeen Freenbeek tohöört. De is 1972 oplööst worrn. In dat Johr is mit de Kommunalreform in Neddersassen de ne’e un gröttere Samtgemeen Freenbeek billt worrn, to de de Oort sietdem höört. Lüttjen Freenbeek is dorbi tohoop mit Swing, Groot Freenbeek un Wehl Deel von de ne’e Gemeen Freenbeek worrn.
Inwahnertall
ännern| Johr | Inwahners |
|---|---|
| 1824[1] | 18 Füürsteden |
| 1848[2] | 282 Lüüd, 43 Hüüs |
| 1. Dezember 1871[3] | 254 Lüüd, 34 Hüüs |
| 1. Dezember 1910[4] | 352 |
| 1925[5] | 452 |
| 1933[5] | 419 |
| 1939[5] | 499 |
| 1970 | 772 |
| 1986 | 1.390 |
| 1991 | 1.525 |
| 1997 | 2.035 |
Religion
ännernLüttjen Freenbeek is evangeelsch-luthersch präägt un höört to dat Kaspel von de Martin-Luther-Kark, de 1960/1961 in Groot Freenbeek boot worrn is.
Kultur
ännernVerenen
ännernDe Freewillige Füürwehr von Lüttjen Freenbeek is an’n 20. Juli 1935 grünnt worrn. De Füürwehr is denn an’n 1. Juni 2003 mit de von Groot Freenbeek tohoopgahn.
Infrastruktur
ännernVerkehr
ännernLüttjen Freenbeek liggt an de Kreisstraat 1, de in’n Oosten över Groot Freenbeek un Deinst na de Landsstraat 124 bi Helmst löppt un in’n Noorden na Swing hen afknickt. In’n Süüdwesten geiht de K 70 na Kutenhult un in’n Süden de K 50 na Wehl un Bargst.
Footnoten
ännern- ↑ C. H. Jansen: Statistisches Handbuch des Königreichs Hannover. 1824, Sied 192: http://books.google.de/books?id=tG0AAAAAcAAJ&pg=PA192
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ a b c http://www.verwaltungsgeschichte.de/stade.html