Klinik Dr. Hancken
De Klinik Dr. Hancken GmbH is en Privatklinik in de Harsfeller Straat 8 in Stood, de op Radiologie, Nuklearmedizin un Strahlentherapie spezialiseert is.
To de Klinik höört ok en Zentrum för Fackdokters op dat Rebeed von de Hämatologie un Onkologie.
Dat Ünnernehmen maakt mit 357 Mitarbeiders en Ümsatz von üm un bi 25 Milljonen Euro.[1]
Historie ännern
De Anfang von de hüdige Klinik weer, as sik in’n November 1919 Wilhelm Hancken as Dokter in Stood dallaten hett.[2] Hancken weer in Himmelpoorten boren un harr an de Universitäten Meideborg, Berlin un Heidelberg Medizin studeert.[2] Sien eerste Praxis weer in de Karkhoffstraat, vondaag Albert-Schweitzer-Straat.[2] 1926 is he mit siene Familie un de Praxis in de Harsfeller Straat tagen, in de de Klinik jümmer noch sitt.[2]
1932 hett de Praxis den eersten Röntgenapparaat kregen.[2] 1949 hett Hancken ok de Kunzession kregen, en Klinik apentomaken un Patschenten statschonär to behanneln.[2] Disse Klinik harr in de eerste Tied acht Bedden. 1956 hett de Klinik toeerst de Radiojodtherapie anbaden.[2]
Na’n Dood von Wilhelm Hancken 1957 hett 1962 sien Söhn Gerd Hancken de Klinik övernahmen.
Den eersten Computertomograaf hett de Klinik 1976 opstellt un den eersten Magnet-Resonanz-Tomograaf 1988.[3] 1990 hett de Klinik in de Rüüm von dat Krankenhuus Stood noch en tweten Computertomograph in Bedriev nahmen.[2]
Christoph Hancken, de Enkelsöhn von’n Grünner, hett de Klinik 1994 övernahmen. Ünner em hett de Klinik Praxen bi dat Stadtkrankenhuus Cuxhoben, in’n Januar 1995 in Buxthu un denn in Bremervöör, Leendaal un Zeven apenmaakt.
De Klinik hett vondaag 50 Bedden.
Literatur ännern
- Christiane Oppermann: Die Hanckenklinik. MCE-Verlag, 2016, ISBN 978-3-938097-3
Footnoten ännern
- ↑ http://www.hancken.de/der-strahlemann
- ↑ a b c d e f g h Hancken – Die Geschichte einer Klinik, Stader Tageblatt an’n 27. Februar 2016
- ↑ Geschichte der Klinik Dr. Hancken op hancken.de
Weblenken ännern
- Websteed von de Klinik (hoochdüütsch)
Koordinaten:53° 36′ N, 9° 28′ O