Klio (Mythologie)
Klio oder Kleio (gr. Κλειώ: de Fro, de priesen deit, vun κλεῖν: priesen) is in de Greeksche Mythologie en vun de negen Musen. Se is tostännig för Historienschrieveree un Heldengedichten.
Just so, as al ehre Sustern is se en Göddin. Se is Dochter vun Zeus un siene Leevste Mnemosyne. Klio hett mit den König vun Makedonien, dat weer Pierus den gemeensamen Söhn Hyazinth harrt. De een oder annere antike Schriever seggt ok, se weer woll de Mudder vun Hymenaios.
To Klio höört jummers de Papyrusrull un de Schriever mit to. Se is de Schutzgöddin vun de Historikers.
